}لاہور : روٹھی بیوی کو منانے میں ناکامی پر شوہر نے خودکشی کر لی

پیر 25 مارچ 2024 20:50

ٴْ لاہور (اُردو پوائنٹ اخبارتازہ ترین - آن لائن۔ 25 مارچ2024ء) ناراض بیوی کو منانے کی کوشش میں ناکامی پر شوہر نے خودکشی کرلی۔ پولیس کے مطابق نواب ٹاؤن کے علاقے میں روٹھی ہوئی بیوی کو منانے کے لیے آئے شوہر نے خود کشی کرلی۔ 55 سالہ عتیق الرحمٰن کی اہلیہ جھگڑوں سے تنگ آکر بچوں سمیت میکے آئی ہوئی تھی۔

(جاری ہے)

منانے کی کوشش کے دوران ساتھ واپس چلنے سے انکار پر عتیق نے خود کو گولی مار کر اپنی زندگی کا خاتمہ کرلیا۔ پولیس نے جائے وقوع سے شواہد اکٹھے کرنے کے بعد لاش پوسٹ مارٹم کے لیے اسپتال منتقل کردی ہے۔ اطلاعات کے مطابق خود کشی کرنے والا چوہدری عتیق الرحمٰن مسلم لیگ ن کا دیرینہ کارکن تھا اور وہ لیگی رہنماؤں کی عدالتوں میں ہر پیشی پر موجود ہوتا تھا۔