ٓنوجوان پتنگ بازی کی بجائے، صحتمند کھیلوں کی سرگرمیوں میں حصہ لیں : پرنسپل پی جی ایم آئی

ًاساتذہ طلبہ کو پتنگ بازی کے نقصانات اور انسانی جان کو لاحق خطرات سے آگاہ کریں : پروفیسر الفرید ظفر

جمعرات 28 مارچ 2024 20:33

لاہور (اُردو پوائنٹ اخبارتازہ ترین - آن لائن۔ 28 مارچ2024ء) پرنسپل پوسٹ گریجویٹ میڈیکل انسٹی ٹیوٹ و امیر الدین میڈیکل کالج پروفیسر ڈاکٹر محمد الفرید ظفر نے میڈیکل سمیت تمام تعلیمی اداروں کے اساتذہ سے اپیل کی ہے کہ وہ اپنے طلبہ کو پتنگ بازی کے نقصانات اور اس سے انسانی جان کو لاحق خطرات سے آگاہ کریں اور انہیں خونی کھیل پتنگ بازی کی بجائے ، دیگر صحتمند کھیلوں کی سرگرمیوں میں حصہ لینے کی تلقین کریں۔

(جاری ہے)

اپنے بیان میں پروفیسر الفرید ظفر نے کہا کہ اس سلسلے میں والدین کی ذمہ داری اور کردار بہت اہم ہے اور انسانیت کا درد رکھنے والے ہر فرد کو پتنگ بازی کی روک تھام کیلئے اپنا اپنا کردار ادا کرنا ہوگا۔ پروفیسر الفرید ظفر نے لوگوں سے بھی درخواست کی وہ اپنی اور اپنے بچوں کی حفاظت کیلئے موٹر سائیکل پر حفاظتی وائر لگوا لیں تاکہ وہ کسی حادثے سے محفوظ رہ سکیں۔ پرنسپل پی جی ایم آئی نے ہیلتھ پروفیشنلز پر زور دیا کہ وہ سوشل میڈیا کے ذریعے پتنگ بازی کے مضمرات بارے ذیادہ سے ذیادہ لوگوں میں آگاہی پھلائیں تاکہ انسانی جانیں ضائع ہونے سے بچ سکیں۔