ٹ*پشاور کے چار اور بنوں کے 2 حلقوں کے نتائج الیکشن ٹربیونل میں چیلنج

جمعرات 4 اپریل 2024 17:55

پشاور(اُردو پوائنٹ اخبارتازہ ترین - آن لائن۔ 04 اپریل2024ء) پشاور کے چار اور بنوں کے 2 حلقوں کے نتائج الیکشن ٹربیونل میں چیلنج کرلئے گئے ہے تفصیلات کے مطابق پی ٹی آئی حمایت یافتہ امیدواروں نے این اے 28 پشاور, پی کے 74, پی کے 75, پی کے 78, پی کے 101 اور پی کے 102 کے الیکشن نتائج کو ٹربیونل میں چیلنج کردیا الیکشن پٹیشنز میں الیکشن کمیشن, ڈسٹرکٹ ریٹرننگ آفیسر, ریٹرننگ آفیسر اور کامیاب امیدواروں کو فریق بنایا گیا ہے۔

درخواست میںموقف اختیارکیا گیا ہے کہ فارم 45 میں ڈی آر اوز اور آر اوز نے تبدیلی کی اور نتائج تبدیل کئے۔درخواست گزار فارم 45 میں کامیاب ہوئے جبکہ فارم 47 مخالف امیدوار کو کامیاب قرار دیا ہے۔ فارم 45 کے مطابق نتائج مرتب کئے جائے۔ بیلٹ پیرز جن بیگز پڑے ہیں ان کو باحفاظت لایا جائے۔

(جاری ہے)

ووٹوں کی تصدیق کی جائے اور نتائج مرتب کئے جائے۔ فارم 45 میں درخواست گزار جیت چکے ہیںلیکن 47 میں ان کو آوٹ کیا گیا ہے۔

درخواست گزاروں نے الیکشن کمیشن میں بھی دوبارہ گنتی کے لئے درخواست دائر کیا لیکن ان کی درخواستوں کو بغیر کسی وجہ کے خارج کیا گیا۔ الیکشن کمیشن کی ذمہ داری تھی کہ وہ شفاف انتخابات کو یقینی بناتا۔ الیکشن ٹربیونل میں این اے 28 سے امیدوار ساجد نواز, پی کے 74 سے ارباب جاندان, پی کے 75 سے ملک شہاب نے درخواست دائر کیا ہے جبکہ پی کے 78 سے ارباب عاصم, پی کے 101 سے ملک عدنان اور پی کے 102 سے شاہ محمد نے الیکشن ٹربیونل میں درخواست کیا ہے۔