ماسٹرز اوپن گالف ٹورنامنٹ 11اپریل سے امریکا میں شروع ہوگا

منگل 9 اپریل 2024 21:17

جارجیا (اُردو پوائنٹ اخبارتازہ ترین - آن لائن۔ 09 اپریل2024ء) ماسٹرز اوپن گالف ٹورنامنٹ 11 اپریل سے امریکی ریاست جارجیا میں شروع ہوگا۔ ٹورنامنٹ کے کامیاب انعقاد کے لئے تیاریاں عروج پر ہیں۔ ماسٹرز اوپن گالف ٹورنامنٹ 2024 کا 88 واں ایڈیشن اور 2024 میں منعقد ہونے والے مردوں کی چار بڑے گالف ٹورنامنٹس میں سے پہلا میگا ایونٹ ہے۔یہ ٹورنامنٹ پہلی بار 1934 میں کھیلا گیا تھا، میزبان گالفر ہارٹن سمتھ نے جیتا تھا۔

ٹورنامنٹ 72 ہولز پر کھیلا جائے گا۔

(جاری ہے)

ٹورنامنٹ میں دنیائے ٹینس کے نامور کھلاڑی ایکشن میں نظر آئیں گے۔ ایونٹ میں سپین سے تعلق رکھنے والے گالفر جان راحم اپنے اعزاز کا دفاع کریں گے۔سب سے زیادہ ماسٹرز اوپن گالف ٹورنامنٹ جیتنے کا ریکارڈ امریکی گالفر جیک نکلوس کے پاس ہے، جنہوں نے اپنے کیریئر کے دوران سب سے زیادہ 6مرتبہ ٹورنامنٹ جیتا۔ ٹورنامنٹ کے لئے 32 لاکھ 40 ہزارڈالر کی انعامی رقم مختص کی گئی ہے۔11اپریل سے شروع ہونے والا یہ ٹورنامنٹ 4 روز تک جاری رہنے کے بعد 14 اپریل کو اختتام پذیر ہوگا۔