انڈین پریمیئر لیگ میں واحد میچ کولکتہ نائٹ رائیڈرز اور راجستھان رائلز رائزرز کی ٹیموں کے مابین کل کھیلا جائے گا

پیر 15 اپریل 2024 09:30

کولکتہ (اُردو پوائنٹ اخبارتازہ ترین - اے پی پی۔ 15 اپریل2024ء) انڈین پریمیئر لیگ میں واحد میچ کولکتہ نائٹ رائیڈرز اور راجستھان رائلز رائزرز کی ٹیموں کے مابین کل(منگل )کوایڈن گاردنز ،کولکتہ میں کھیلا جائے گا۔آئی پی ایل کے 17 ویں ایڈیشن کے دلچسپ مقابلوں کا سلسلہ بھارت میں جاری ہے ۔ کولکتہ نائٹ رائیڈرز کی ٹیم کو شریاس آئیر لیڈ کر رہے ہیں۔

راجستھان رائلز کی ٹیم کو سنجو سیمسن لیڈ کر رہے ہیں۔

(جاری ہے)

راجستھان رائلز کی ٹیم 6 میچز کھیل چکی ہے جن میں اس کو 5 میچز میں فتح اور ایک میں شکست ہوئی اور وہ سب سے زیادہ 10 پوائنٹس کے ساتھ ٹیبل پر سر فہرست ہے۔کولکتہ نائٹ رائیڈرز کی ٹیم 5 میچ کھیل چکی ہے جن میں اس کو 4 میچزمیں فتح جبکہ 1 میچ میں شکست ہوئی ہے اور وہ 8 پوائنٹس کے ساتھ ٹیبل پر دوسرے نمبر پرہے۔ لیگ میں شامل 10 ٹیمیں ٹائٹل کے حصول کے لئے ایکشن میں ہیں۔ لیگ میں چنائی سپر کنگز کی ٹیم ٹائٹل کا دفاع کے لئے کوشاں ہے ۔ دونوں ٹیموں کے درمیان لیگ کے 31ویں میچ میں دلچسپ مقابلے کی توقع ہے۔آئی پی ایل کا ناک آئوٹ مرحلہ 21 مئی کو شروع ہوگاجبکہ فائنل میچ مئی کو چنائی میں کھیلا جائے گا۔\932