لاہور ہائیکورٹ میں تدارک سموگ کیس پر سماعت بغیر کارروائی ملتوی

پیر 15 اپریل 2024 22:58

لاہور (اُردو پوائنٹ اخبارتازہ ترین - آن لائن۔ 15 اپریل2024ء) لاہور ہائیکورٹ نے سموگ اور ماحولیاتی آلودگی کے خلاف کیس پر سماعت بغیر کارروائی ملتوی کر دی۔لاہور ہائیکورٹ کے جج جسٹس شاہد کریم نے شہری ہارون فاروق سمیت دیگر کی درخواستوں پر سماعت کرنا تھی۔

(جاری ہے)

واسا کی طرف سے میاں عرفان اکرم ایڈووکیٹ جبکہ متعلقہ محکموں کے افسران اور لا افسران عدالت میں پیش ہوئے۔عدالت کی جانب سے کہا گیا کہ آج دیگر اہم اور فوری نوعیت کے کیسز فکس ہیں، سموگ اور ماحولیاتی آلودگی کے تدارک سے متعلق کیس کی سماعت 19اپریل جمعہ کو ہوگی۔یاد رہے کہ لاہور ہائیکورٹ نے سرکاری محکموں سے عدالتی احکامات پر عملدرآمد سے متعلق رپورٹ طلب کر رکھی ہے۔