رٹیفیشل انٹیلی جنس کا دور ہے، و ہی آگے جائے گا جو محنت اور غوروفکر کو اپنا شعار بنائے گا‘احسن اقبال
تعلیم اور ریسرچ کی دنیا میں اپنا مقام قائم کرنے کے لیے یونیورسٹیز کو چاہیے طلبہ کو جدید تقاضوں کے مطابق علوم سے روشناس کروائیں دنیا میں کوئی قوم اس وقت تک کامیاب نہیں ہوتی جب تک وہ متحد ہوکر کام نہیں کرتی،مسائل کے حل کیلئے مل کر کام کرنا ہوگا ‘وفاقی وزیر
پیر 29 اپریل 2024 20:46
(جاری ہے)
میں چاہتا ہوں کہ یہ کیمپس ایم آئی ٹی کے جیسا ادارہ بنے۔ماڈرن دنیا کی دنیا کی ترقی کے پیچھے انجنئیرز کی ہی محنت کارفرما ہے۔صحت،خوارک،صنعت و حرفت سمیت تمام شعبہ ہائے زندگی کے بیشتر مسائل کا حل انجینئرنگ کے فیلڈ سے وابسطہ ہے۔
آج کی دنیا کی تمام تر ترقی کے پیچھے انجینئر کی محنت کارفرما ہے۔جب پیراڈائم شفٹ ہوتا ہے تو پرانے دور کے طریقے متروک ہوجاتے ہیں۔آج ہم ٹیکنالوجی کے دور میں جی رہے ہیں آج کا دور آرٹیفیشل انٹیلیجنس کا دور ہے۔یونیورسٹیز کو چاہیے کہ انجینئرز کو اس دور کے جدید تقاضوں کے مطابق علوم سے روشناس کروائیں۔اگر آپ تعلیم اور ریسرچ کی دنیا میں اپنا مقام قائم کرنا چاہتے ہیں تو آپ کو مسلسل سیکھنے کے عمل سے گزرتے رہنا چاہیے ۔ہم نے نیشنل سینٹر فار سیٹلائٹ ٹیکنالوجی،نیشنل سینٹر نینو ٹیکنالوجی،نیشنل سینٹر فار کوانٹم کمپیوٹنگ جیسے شعبہ جات کی بنیاد رکھی۔احسن اقبال نے کہا کہ ہم نے انجینئرنگ یونیورسٹیوں کو اربوں روپے اس لئے دئیے کہ وہ اپنی لیبارٹریز کو ماڈرن ایکوپمنٹس سے لیس کریں تاکہ انوویشن اور کری ایٹیوٹی کی بنیاد رکھی جائے۔ہمارے بچوں کو انوویشن پر فوکس کرنا چاہیے ۔ہماری تاریخ سائنسی علوم کے مایہ ناز سائنس دانوں سے بھری پڑی ہے۔جب سے ہمارے معاشرے میں تحقیق کا چشمہ خشک ہوا ہم پیچھے رہ گئے۔قرآن کریم ہمیں عقل اور شعور کے ساتھ غور و فکر کی تعلیم دی ہے ۔اپنی عقل کو قرآن مجید کے بتائے ہوئے اوصاف کے ساتھ مزین کریں۔ہمیں قرآن بتاتا ہے کہ ہم نے سورج اور چاند کو تمہارے لئے مسخر کردیا ہے مگر افسوس کہ آج جن 6 ملکوں کے خلائی مشن کامیابی سے اپنے مشن مکمل کرچکے ہیں ان میں ایک بھی مسلمان نہیں ہے ہمیں دنیا کے تمام عوامل میں غوروفکر کی دعوت دی گئی ہے۔جب ہمارے اسلاف غوروفکر کرتے تھے تب ہم دنیا کو علم بانٹنے والے تھے مگر آج ہمارا انحصار کاپی پیسٹ پر ہے۔اس یونیورسٹی کو بنانے کا مقصد یہ تھا کہ یہ پاکستان میں انوویشن کی تحریک کو لیڈ کرے اسی لئے یہاں انوویشن سینٹر کی بنیاد رکھی گئی ہے۔آپ میں سے مستقبل کے بل گیٹس پیدا ہوں گے۔آج کا دور ڈگری کے حصول سے آگے کا دور ہے زندگی کی دوڑ میں وہ ہی آگے جائے گا جو محنت اور غوروفکر کو اپنا شعار بنائے گا۔محنت کریں تاکہ ہم پاکستان کو ایک عظیم ملک بنا سکیں۔آج سے 25سال بعد اس خطے کے دو ملک اپنی سو سالہ آزادی کا جشن منائیں گے ہمیں اس وقت کے لئے یہ جواب آج تیار کرنا چاہیے کہ ہم نے کیوں اس ملک کے حصول کے لئے کوششیں کی تھیں۔ہمیں اپنے خوابوں کو تعبیر کے سانچے میں ڈھالنا ہے۔جب میں نے یونیورسٹی آف انجینئرنگ اینڈ ٹیکنالوجی نارووال کا خواب دیکھا تھا تب لوگ یہ ماننے سے قاصر تھے کہ یہ کیسے ممکن ہے اور اس خواب کی تعبیر آج آپ کے سامنے ہے۔آج یونیورسٹی آف نارووال میں 7000بچے اور بچیاں اعلی تعلیم اپنے گھر میں بیٹھ کر حاصل کر رہے ہیں آپ بھی اپنے خوابوں کی تعبیر پا سکتے ہیں ضرورت صرف محنت کی ہے۔پاکستان کے مسائل کے حصول کیلئے ایک دوسرے کے ساتھ مل کر کام کرنا ہوگا۔آج کا دور ٹیم ورک کا دور ہے۔ٹیم ورک کے ذریعے مثبت سنرجی کا حصول ممکن ہوتا ہے۔دنیا میں کوئی قوم اس وقت تک کامیاب نہیں ہوتی جب تک وہ متحد ہوکر کام نہیں کرتی۔میری دعا ہے کہ اللہ تعالی اس ادارے کو پاکستان کا کامیاب ادارہ بنائے۔وفاقی وزیر منصوبہ بندی وترقی احسن اقبال کی یو ای ٹی نارووال کیمپس میں جاری سائنس میلہ میں شرکت کی۔یونیورسٹی آف انجینئرنگ اینڈ ٹیکنالوجی سب کیمپس نارووال کے انوویشن سینٹر میں یونیورسٹی کے مختلف شعبہ جات کے طلبہ کی جانب سے اپنے فائنل ائیر پراجیکٹس نمائش کیلئے پیش کئے گئے۔وفاقی وزیر احسن اقبال کی جانب سے الیکٹریکل،مکینیکل،سول،بائیو میڈیکل انجینئرنگ، کمپیوٹر انجینئرنگ، سمیت مختلف ڈیپارٹمنٹس کے سٹودنٹس کی جانب سے نمائش میں رکھے جانے والے پراجیکٹس کا معائنہ کیا گیا۔یو۔ای۔ٹی نارووال کیمپس میں جاری سائنس میلہ میں ایگریکلچر یونیورسٹی فیصل آباد۔یو۔ایم۔ٹی۔سیالکوٹ کیمپس آئی۔ٹی۔یو،یونیورسٹی آف نارووال،ویٹرنری یونیورسٹی نارووال کیمپس سمیت مختلف یونیورسٹیوں کے طلبہ نے شرکت کی.بعد ازاں وفاقی وزیر منصوبہ بندی وترقی احسن اقبال کی جانب سے یونیورسٹی آف انجینئرنگ اینڈ ٹیکنالوجی نارووال کیمپس کو مہیا کی جانے والی نئی بسیں یونیورسٹی انتظامیہ کے حوالے کیں اور یونیورسٹی میں پودا بھی لگایا۔مزید قومی خبریں
-
وزیر اعلیٰ مریم نواز سے گورنر پنجاب سلیم حیدر کی ملاقات،صوبے کی ترقی کے امور پر تبادلہ خیال
-
وزیر صحت خواجہ سلمان رفیق نے میئو ہسپتال میں سٹور مینجمنٹ سسٹم کا افتتاح کر دیا
-
موٹر سائیکل چوری کرنے وا لاتین رکنی گینگ سرغنہ سمیت گرفتار
-
فیصل آباد، پیزا شاپ کے کچن سے 22 سالہ نوجوان کی نعش برآمد
-
چیئرپرسن بینظیرانکم سپورٹ پروگرام روبینہ خالد کا کفالت سہ ماہی قسط کے اجراسے قبل انتظامات کا جائزہ
-
اداروں کی نجکاری میں شفافیت کو ہر قیمت پر یقینی بنائیں گے ، عبدالعلیم خان
-
بانی پی ٹی آئی کی رہائی کا خوف جعلی حکمرانوں کو چین سے نہیں بیٹھنے دے رہا‘ چودھری پرویزالٰہی
-
نائب وزیراعظم تقرری کیس:ڈپٹی اٹارنی جنرل کو وفاقی حکومت سے ہدایات لے کر پیش ہونے کی ہدایت
-
کار سرکار میں مداخلت :وزیراعلیٰ علی امین گنڈا پور کی عبوری ضمانت میں مزید3 یوم کی توسیع
-
ِ9 مئی کی آڑ میں جھوٹے مقدمات قائم کر کے قیادت اور پارٹی کو یرغمال بنایا گیا،زرتاج گل
-
شیخوپورہ :3 سکیورٹی گارڈ کی اجتماعی زیادتی کا نشانہ بننے والی متاثرہ خاتون نے خودکشی کرلی
-
گیارہ ارب ڈالرز واپس آ گئے تو آئی ایم ایف کی ضرورت ختم ہوگی ،مشیر خزانہ خیبرپختونخوا مزمل اسلم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.