ریاست مخالف بیان بازی کا کیس: اعظم سواتی کی ضمانت منظور، شامل تفتیش ہونے کا حکم

بدھ 17 اپریل 2024 17:26

اسلام آباد (اُردو پوائنٹ اخبارتازہ ترین - این این آئی۔ 17 اپریل2024ء) ڈسٹرکٹ اینڈسیشن کورٹ اسلام آباد نے ریاست مخالف بیان بازی کے کیس میں سابق سینیٹر اور رہنما تحریک انصاف اعظم سواتی کی عبوری ضمانت 23 اپریل تک منظور کر لی اور انہیں شامل تفتیش ہونے کا حکم دے دیا۔

(جاری ہے)

اعظم سواتی کی درخواست ضمانت پر سماعت ایڈیشنل سیشن جج اویس محمد نے کی، پی ٹی آئی رہنما اپنے وکیل علی بخاری کے ساتھ عدالت میں پیش ہوئے۔عدالت نے آیندہ سماعت پر دلائل کے لیے پراسیکیوشن کو نوٹس جاری کردیا اور اعظم سواتی کی عبوری ضمانت 23 اپریل تک منظور کرتے ہوئے انہیں شاملِ تفتیش ہونے کا حکم دیدیا۔