اے پی ڈھلون کو کوچیلا کنسرٹ میں گٹار توڑنے پر شدید تنقید کا سامنا

جمعرات 18 اپریل 2024 10:35

سان ڈیاگو(اُردو پوائنٹ اخبارتازہ ترین - این این آئی۔ 18 اپریل2024ء) انڈین نڑاد کینیڈین گلوکار امرت پال سنگھ ڈھلون کو کوچیلا کنسرٹ کے دوران اپنا گٹار توڑنا مہنگا پڑ گیا ہے۔اے پی ڈھلون کو دنیائے موسیقی کے بڑے ایونٹ کوچیلا میں پرفارم کرنے کا موقع ملا جس میں میں انہوں نے شائقین کو زبردست محظوظ کیا۔

(جاری ہے)

پرفارمنس کے آخر میں گلوکار اپنے جذبات پر قابو نہ کرسکے اور انہوں نے اپنا گٹار اسٹیج پر ہی توڑ دیا اور اس کی ویڈیو بھی انسٹاگرام پر ڈال دی۔گلوکار کے مداحوں کو یہ پسند نہیں آیا اور دنیا بھر سے لوگ گلوکار کو تنقید کا نشانہ بنارہے ہیں۔بعض صارفین نے اسے میوزک کی توہین قرار دیا جبکہ بعض نے کہا کہ اس عمل سے گلوکار کا تکبر سامنے آتا ہے۔