wجاپان میں دو ہیلی کاپٹر مشقوں کے دوران سمندر میں گر کر تباہ

ی*ایک لاش مل گئی، 7 افراد لاپتا ہیں، ہوسکتا ہے تصادم ہوا ہو، وزیر دفاع مِنورو کِہارا

اتوار 21 اپریل 2024 18:25

چ*ٹوکیو(اُردو پوائنٹ اخبارتازہ ترین - آن لائن۔ 21 اپریل2024ء) جاپان میں بحریہ کے دو ہیلی کاپٹر مشقوں کے دوران سمندر میں گر کر تباہ ہوگئے۔ ایک لاش بازیاب کرلی گئی ہے جبکہ 7 افراد لاپتا ہیں۔جاپانی وزیر دفاع نے بتایا کہ SH-60 پیٹرول ہیلی کاپٹرز ہفتے کی شب وسطی جاپان میں جنوبی کنارے کے دور افتادہ جزیرے اِزو کے نزدیک توریشیما میں اینٹی سب میرین مشقیں کر رہے تھے۔

(جاری ہے)

وزیرِدفاع مِنورو کِہارا نے ایک پریس کانفرنس میں بتایا کہ اس حادثے کا سبب معلوم کرنے کے لیے تحقیقات کی جارہی ہے۔ دونوں ہیلی کاپٹرز کے فلائٹ ریکارڈر مل گئے ہیں جن سے معلوم ہوا ہے کہ دونوں ہیلی کاپٹر بہت قریب محوِ پرواز تھے۔ ہوسکتا ہے کہ ان میں تصادم ہوگیا ہو۔یہ دونوں ہیلی کاپٹر میریٹائم سیلف ڈیفینس فورس کا حصہ تھے جو بالعموم آبدوزوں اور جنگی جہازوں کو ناکام بنانے کے لیے بروئے کار لائے جاتے ہیں۔