م*جیکب آباد، جے ٹی آئی ضلعی کابینہ کا اجلاس، تعلیمی نظام یکساں پڑھانے کا مطالبہ

اتوار 21 اپریل 2024 20:55

2جیکب آباد (اُردو پوائنٹ اخبارتازہ ترین - آن لائن۔ 21 اپریل2024ء) جے ٹی آئی ضلعی کابینہ کا اجلاس، تعلیمی نظام یکساں پڑھانے کا مطالبہ۔تفصیلات کے مطابق جمعیت طلباء اسلام ضلع جیکب آباد کے عہدیداران کا اجلاس ضلعی صدر قاری محمد حنیف برڑو کی صدارت میں دفتر جے یوآئی جیکب آباد میں منعقد ہوا، اجلاس میں ضلعی رہنما محکم الدین بروہی،تاج محمود انصاری،مفتی محمد اوڈھانو،ریاض احمد اوڈہانو نے کہا کہ طبقاتی نظام تعلیم سے غریب اور امیر کے بچوں کی جدا جدا تعلیم نے تعلیمی نظام کو تباہ کردیا ہے ،ملک کے اصل وارث محنت کشوں کے ذہین بچوں کو تعلیم سے دور رہنے سے ملک تنزلی کی طرف جارہا ہے،اجلاس میں سندہ میں امتحانی پرچوں میں حضرت عمر رضیہ کی بے حرمتی پر احتجاج کرتے ہوئے ملوث شرپسندوں کو گرفتار کرکے قانون کے حوالے کرنے کا مطالبہ کیا۔

(جاری ہے)

ادہر جے ٹی آئی کا وفد ضلعی صدر قاری محمد حنیف برڑو کی قیادت میں جے یو آئی کے ضلعی امیر ڈاکٹر اے جی انصاری سے ملاقات کرکے جے ٹی آئی کی تنظیمی صورت حال سے آگاہ کیا،ڈاکٹر انصاری نے 2 مئی کو کراچی میں عوامی اسمبلی جلسہ میں بہرپور شرکت کی دعوت دی۔