کراچی چیمبر کے صدر کا ایف بی آر سے ایس آر او 350 کو مؤخر کرنے کا مطالبہ

پیر 22 اپریل 2024 18:10

کراچی (اُردو پوائنٹ اخبارتازہ ترین - این این آئی۔ 22 اپریل2024ء) کراچی چیمبر آف کامرس اینڈ انڈسٹری (کے سی سی آئی) کے صدر افتخار احمد شیخ نے فیڈرل بورڈ آف ریونیو (ایف بی آر) سے ایس آر او 350 پر عمل درآمد مؤخر کرنے کا مطالبہ کیا ہے کیونکہ متنازعہ ایس آر او پر تاجر برادری کے تحفظات کو دور نہیں کیا گیا۔

(جاری ہے)

انہوں نے اس حوالے سے بتایا کہ منگل 23 اپریل 2024 کو کراچی چیمبر میں ممبر اِن لینڈ ریونیو آپریشن بادشاہ خان وزیر اور چیف آئی آر آپریشن ارشد نواز چیمہ کے ساتھ ایک اجلاس ہونا طے پایا تھا جس میں ایس آر او 350 کے اثرات پر تفصیلی تبادلہ خیال کیا جانا تھا لیکن بدقسمتی سے اسلامی جمہوریہ ایران کے صدر ابراہیم رئیسی کے دورہ کراچی کے موقع پر عام تعطیل کی وجہ سے یہ اجلاس ملتوی کر دیا گیا لہذا ایس آر او 350 کو اس وقت تک مؤخر کیا جائے جب تک کہ اس اہم مسئلے کو تمام اسٹیک ہولڈرز کی مشاورت سے خوش اسلوبی سے حل نہیںکیانجاتا۔