کاٹن ایکشن پلان-25 2024
پنجاب میں کپاس کاشت کے اہداف کے حصول کے لئے جامع حکمت عملی کے تحت تمام دستیاب وسائل بروئے کار لائے جائیں، ڈائریکٹر زراعت
منگل 23 اپریل 2024 19:29
(جاری ہے)
اس سلسلہ میں ڈویژنل، ضلعی، تحصیل اور یونین کونسل کی سطح پر جاری زرعی سرگرمیوں کی اعلی سطح پر مانیٹرنگ بھی کی جارہی ہے۔
ڈائریکٹر زراعت توسیع فیصل آباد ڈویژن،چوہدری عبدالحمیدکی قیادت میں 1 لاکھ 18 ہزار ایکڑ رقبہ پر کپاس کی کاشت سے دو لاکھ سے زائد کپا س کی گانٹھوں کے حصول کے لئے قومی جذبہ کے تحت کاوشیں قابل ستائش ہیں۔ان خیالات کا اظہاڈپٹی ڈائریکٹر زراعت توسیع، چوہدری خالد محمود نے اڈہ مرید والا، تحصیل سمندری میں کاشتکاروں کے اجتماع سے خطاب کرتے ہوئے کیا۔کاشتکاروں کے اس اجتماع سے اسسٹنٹ ڈائریکٹر، زراعت توسیع، تحصیل سمندری، حافظ محمد عدیل کے علاوہ ڈپٹی ڈائریکٹر ریسرچ انفارمیشن، فیصل آباد محمد اسحاق لاشاری،سینئر زراعت آفیسر، محکمہ زراعت توسیع، تحصیل سمندری، ڈاکٹر محمد عامر صدیق،ڈاکٹر محمد نعیم اور اسد سعید نے بھی خطاب کیا۔ اسسٹنٹ ڈائریکٹر، زراعت توسیع، تحصیل سمندری، حافظ محمد عدیل نے بتایا کہ اضلا ع وتحصیل کی سطح پر کپاس کی بہتر دیکھ بھال اور زرعی مداخل کی بروقت فراہمی کیلئے جامع حکمت عملی کے تحت اگیتی کپاس اگاؤ مہم کو کامیاب بنانے کے لئے گاؤں کی سطح پر تربیتی پروگرامز کا انعقاد کیا جا رہا ہے۔ انہوں نے مزید بتایا کہ فصل کپاس کی بہتر دیکھ بھال کیلئے زرعی عملہ کو سوشل میڈیاکے بروقت استعمال کے لئے پابند کیا جائے اور کاشتکاروں کی فنی رہنمائی کیلئے زرعی گریجویٹس کو بھی شامل کیا گیا ہے۔حافظ محمد عدیل نے بتایا کہ فیصل آباد ڈویژن میں 80ہزار ایکڑ سے زائدرقبہ پر کپاس کی اگیتی کاشت مکمل ہو چکی ہے۔ زراعت آفیسران، محکمہ زراعت توسیع، تحصیل سمندری، ڈاکٹر محمد عامر صدیق،ڈاکٹر محمد نعیم اور اسد سعید نے کاشتکاروں کو بتایا کہ معیاری زرعی مداخل، زرعی ادویات، کیمیائی کھادوں اور نہری پا نی کی بروقت دستیابی کے لئے جامع حکمت عملی مرتب کی گئی ہے۔محکمہ زراعت کے علاوہ دیگر سٹیک ہولڈرز پرائیویٹ سیڈ کمپنیوں اور ترقی پسند کاشتکاروں پر مشتمل گاؤں کی سطح پر164 ٹیمیں تشکیل دی گئی ہیں جو کپاس کی فصل کی کاشت اور بہتر دیکھ بھال کے لئے کاشتکاروں کی فنی رہنمائی میں مصروف عمل ہیں۔انہوں نے مزید بتایا کہ اگیتی کپاس کی جاری مہم کے باعث کاشت کار فصل کی بوائی میں دلچسپی لے رہے ہیں۔زرعی ماہرین پر مشتمل فیلڈٹیمیں کپاس کاشت کے علاوہ فصل کی بہتر دیکھ بھال بارے کاشتکاروں کی رہنمائی میں مصروف عمل ہیں اور اعلی کوالٹی کی حامل زرعی ادویات اور کھادوں کی بروقت فراہمی کو یقینی بنایا جا رہا ہے۔انہوں نے امید ظاہر کی کہ ساز گارموسمی حالات،کاشتکاروں کی بھر پور محنت اور زرعی ماہرین کی فنی رہنمائی سے پیداواری اہداف کے حصول ممکن ہو گا۔ڈپٹی ڈائریکٹر ریسرچ انفارمیشن، فیصل آباد محمد اسحاق لاشاری نے کاشتکاروں کو بتایا کہ کاشتکاروں تک معیاری بیجوں کی فراہمی کے لئے کپاس، گندم اور چاول کی فصل پر تحقیق کے لئے جدید سنٹرز آف ایکسیلنس کا قیام لایا جا رہاہے۔انہوں نے مزید بتایا کہ اس موقع پر بتایا کہ پاک چائنا ریسرچ ایند ڈویلپمنٹ سنٹر کے قیام سے پنجاب میں زرعی تحقیق کو فروغ حاصل ہو گا۔پنجاب میں سبز زرعی انقلاب برپاکرنے کے لئے جدید زرعی مراکز کے قیام کے علاوہ پنجاب سیڈ کارپوریشن اور پنجاب ایگری کلچر ریسرچ بورڈ کی جدید طرز پر بحالی کی جا رہی ہے۔ ہائی ٹیک میکانائزیشن کے فروغ کے منصوبہ کے تحت سات ارب کی لاگت سے چھوٹے کاشتکاروں کو56اقسام کے 25ہزار جدید زرعی آلات و مشینری سبسڈی پر فراہم کی جا رہی ہے۔مزید براں 2ارب کی لاگت سے 3ہزارلیزر لینڈ لیولرز بھی سبسڈی پر فراہم کئے جائیں گے۔ انسداد سموگ پروگرام کے تحت دھان کے کاشتکاروں کو5ہزار سپر سیڈر،پاک سیڈر اور رائس اسٹرا شریڈر فراہم کئے جائیں گے۔مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.