بدین میں 2 نوعمرلڑکوں کا گینگ ریپ، پولیس اہلکار اورسیاستدان کیخلاف مقدمات درج

بدین (اُردو پوائنٹ اخبارتازہ ترین - این این آئی۔ 24 اپریل2024ء) ضلع بدین میں نویں جماعت کے 2 نو عمر لڑکوں کو گینگ ریپ کا نشانہ بنا دیا گیا، ریپ کرنے والے گینگ میں ایک پولیس کانسٹیبل اور ایک سیاسی جماعت کا عہدیدار بھی شامل ہے۔میڈیا رپورٹ کے مطابق بدین کے ایس ایس پی شیراز نذیر نے کانسٹیبل کو معطل کر کے ان کے خلاف مقدمہ درج کرنے کی ہدایت کر دی ہے، اس کیعلاوہ سیاسی جماعت کا عہدیدار کو پارٹی کے ضلع صدر نے نوٹس جاری کردیا ہے۔

متاثرہ لڑکے کے والد نے بتایا کہ اتوار کے روز ان کا بیٹا اپنے دوستوں کے ساتھ سیرانی فلنگ اسٹیشن کے سامنے کرکٹ کھیل رہا تھا کہ کانسٹیبل اور اس کے دوستوں نے اس کے بیٹے کو لالچ یا زبردستی ساتھ لے جانے پر مجبور کیا اور اسے بدین لے گئے جہاں انہوں نے اسے گینگ ریپ کا نشانہ بنایا اور اسے بے ہوشی کی حالت میں گوپانگ کے قریب پھینک دیا۔

(جاری ہے)

انہوں نے کہا کہ میگھواڑ برادری کے کچھ لوگ لڑکے کو دیکھ کر اپنے گھر لے آئے۔

بدین پولیس نے کانسٹیبل اور اس کے 3 ساتھیوں کے خلاف دفعہ 190، 377، جی-337 اور 34 کے تحت ایف آئی آر درج کر لی ہے، پولیس نے کانسٹیبل کو گرفتار کر لیا جبکہ دیگر ملزمان تاحال فرار ہیں۔ایس ایس پی نے اسی طرح کے ایک اور واقعے کا نوٹس لیا جس میں ایک اور نوجوان لڑکے کو سیاسی جماعت کے عہدیدار اور اس کے دوست نے گینگ ریپ کا نشانہ بنایا، ایس ایس پی کے حکم پر ملزمان کے خلاف مقدمہ درج کر لیا گیا۔

متاثرہ لڑکے کے چچا نے کہا کہ اس کے بھتیجے کو نہ صرف ریپ کا نشانہ بنایا بلکہ ملزم نے موبائل فون کے ذریعے ویڈیو بھی بناتے رہے۔پولیس نے متاثرہ لڑکے کے چچا کی جانب سے سیاسی جماعت کے عہدیدار اور اس کے ساتھی کے خلاف درج کرائی گئی شکایت پر تعزیرات پاکستان کے سیکشن 34-377 کے تحت ایف آئی آر درج کر لی ہے جبکہ سیاسی جماعت کے بدین چیپٹر کے صدر نے ملزم کو نوٹس جاری کردیا ہے۔