اساتذہ کی قلت کے باعث ایس بی کے رزلٹ میں مزید تاخیر سے گُریز کرے،جی ٹی اے

جمعرات 25 اپریل 2024 21:50

ژوب (اُردو پوائنٹ اخبارتازہ ترین - آن لائن۔ 25 اپریل2024ء) گورنمنٹ ٹیچرز ایسوسی ایشین ژوب کے صدر فتح خان مندوخیل جنرل سیکرٹری مولانا مشہود شاہ اخوندذادہ چیئرمین حافظ عثمان اختر آرگنائزر عجب خان کاکڑ، اور دیگر نے اپنے مشترکہ بیان میں کہا ہے کہ بھرتی میں تاخیر سے صوبہ بھر میں 2000 کے قریب سکول بند ہیں سکولوں میں اساتذہ کی قلت سے تعلیمی نظام درہم برہم ہے ہر ماہ اساتذہ کی دھڑادھڑ ریٹائرمنٹ سے مزید پوسٹ خالی ہورہے ہیں حکومت محکمہ تعلیم کو بجٹ میں نئے پوسٹ دیناتو درکنار خالی پوسٹوں پر بھرتی میں سالوں تاخیر کرتے ہیں اس بار 2023 میں ایس بی کے کے زریعے تقریباً 9 ہزار کے قریب اساتذہ بھرتی کا عمل پراسیس ھوا لیکن یہ عمل غیر شفافیت کی بنیاد پر عدالتوں میں سماعت پزیر ھوا بالآخر عدالت عظمی نے ایس بی کے کو فوری بھرتی کرنے کے عمل کی اجازت دی لیکن اب مطالبہ ھے کہ فوری طور پر ٹسٹ رزلٹ کا اعلان کیا جائے مزید تاخیر سے گریز کیا جائے کیونکہ سکولوں میں اساتذہ کی شدید قلت ھے اور مزید تاخیر پر میرٹ پر بھی شکوک وشہبات بڑھ جائیں گے۔