ئ*جس معاشرے میں محنت کشوں کا استحصال ہو وہ کبھی ترقی نہیں کرسکتا، کامران خان ٹیسوری

منگل 30 اپریل 2024 22:55

۷کراچی (اُردو پوائنٹ اخبارتازہ ترین - آن لائن۔ 30 اپریل2024ء) گورنر سندھ کامران خان ٹیسوری نے کہا ہے کہ جس معاشرے میں محنت کشوں کا استحصال ہو وہ کبھی ترقی نہیں کرسکتا،محنت کشوں کو ان کا جائز حق دلوانا ترجیحات میں شامل ہے۔ عالمی یوم مزدور کے موقع پر اپنے پیغام میں انہوں نے کہا کہ کسی بھی ملک کی معیشت کی ترقی میں محنت کشوں کا بنیادی کردار ہوتا ہے۔

(جاری ہے)

وہ اپنی محنت سے معیشت کا پہیہ رواں رکھنے کے لئے خون پسینہ ایک کردیتے ہیں یہی وجہ ہے کہ جن ممالک نے شاندار معاشی ترقی کی ہے، ان ہی محنت کشوں کی کاوشیں نظر آتی ہیں کیونکہ وہ کسی بھی ادارہ کی ریڑھ کی ہڈی ہوتے ہیں،انہوں نے مزید کہا کہ آجر اور اجیر کے درمیان مثالی تعلقات کے ذریعہ ہی معاشی ترقی و خوشحالی کا حصول ممکن ہے۔انہوں نے کہا کہ آج کے دن ہمیں عزم کرنا چاہئے کہ محنت کشوں کو ہر سطح پر ان کا جائز مقام ملے۔ گورنر سندھ نے مزید کہا کہ محنت کشوں کی حالت زار بہتر بنانے اور ان کو معاشرے میں ان کا جائز مقام دلانے کے لئیہر ممکن اقدامات تمام متعلقہ اداروں کی ذمہ داری ہے۔