شاہ رخ خان کے بیٹے کے پہلے پروجیکٹ میں اداکارہ مونا سنگھ جلوہ گرہوں گی

اداکارہ مونا سنگھ نے آریان کی ویب سیریز’’ اسٹارڈم ‘‘کیلئے شوٹنگ شروع کردی

بدھ 1 مئی 2024 12:25

شاہ رخ خان کے بیٹے کے پہلے پروجیکٹ میں اداکارہ مونا سنگھ جلوہ گرہوں ..

ممبئی (اُردو پوائنٹ اخبارتازہ ترین - این این آئی۔ 01 مئی2024ء) اداکارہ مونا سنگھ سپر اسٹار شاہ رخ خان کے بیٹے آریان خان کے پہلے پروجیکٹ میں جلوہ گر ہوں گی۔بھارتی میڈیا کی رپورٹ کے مطابق آریان خان کے بحیثیت ہدایتکار پہلے پروجیکٹ ’’اسٹارڈم‘‘ کی شوٹنگ کا آغاز ہوگیا ہے۔مذکورہ پروجیکٹ کیلئے جس فنکار کا انتخاب کیا گیا ہے وہ اداکارہ مونا سنگھ ہیں۔

(جاری ہے)

میڈیا رپورٹس کے مطابق مونا سنگھ نے آریان کی ویب سیریز’’ اسٹارڈم ‘‘کیلئے شوٹنگ شروع کردی ہے اور وہ سیٹ پر اپنے کام سے خوب محظوظ ہورہی ہیں۔انکے بارے میں یہ بھی بتایا جارہا ہے کہ انہوں نے گووا جانے سے قبل اسی پروجیکٹ کے سلسلے میں ممبئی اور دہلی میں بھی شوٹنگ کی تھی۔دوسری جانب یہ بھی اطلاعات ہیں کہ آریان سیٹ پر انتہائی محتاط ہیں اور چاہتے ہیں کہ انکے پروجیکٹ کے بارے میں کوئی چیز لیک نہ ہو۔