ڈی پی اوسرگودہا کی عہدہ سنبھالنے کے بعدپولیس افسران سے تعارفی میٹنگ

جمعہ 3 مئی 2024 16:58

سرگودھا (اُردو پوائنٹ اخبارتازہ ترین - اے پی پی۔ 03 مئی2024ء) ڈسٹرکٹ پولیس آفیسرسرگودہا ڈاکٹر اسد اعجاز ملہی نے اپنے عہدے کا چارج سنبھال لیا۔ انہوں نے ضلع بھر کے سب ڈویژنل پولیس آفیسرزاورایس ایچ اوز سے تعارفی میٹنگ سے خطاب کرتے ہوئے کہا کہ شہریوں کی جان و مال کا تحفظ پولیس کی اولین ذُمہ داری ہے اور اس ذمہ داری کو پورا کرنے کے لیے ہم ہر لمحہ کوشاں ہیں،جرائم پیشہ عناصر کے خلاف سخت قانونی کارروائی عمل میں لائی جائے جسکے لیے گشت کے نظام کو مزید موثر بنائیں تاکہ معاشرہ میں امن و امان کی فضاء کو برقرار رکھا جائے۔

انہوں نے کہاکہ تمام زیر ِتفتیش مقدمات کو میرٹ پر یکسو کریں اور تمام درخواستوں پرمقررہ وقت میں کاروائی عمل میں لائیں۔خواتین اور بچوں سے متعلق شکایات پر فوری ریسپائنڈ کیا جائے۔

(جاری ہے)

ڈی پی اونے مزیدکہاکہ شہریوں کے ساتھ خوش اخلاقی سے پیش آئیں،تھانہ میں آنے والے شہریوں کی دادرسی کو یقینی بنایا جائے۔پکار 15 پر موصول ہونیوالی اطلاع پر متعلقہ ایس ایچ او خود موقع پر جائے گا اورکرائم کی اطلاع پر دئیے گئے ٹائم فریم کے اندر اندر ایف آئی آر کا اندراج یقینی بنایا جائے گا۔

اشتہاری مجرمان کی گرفتاری اور اندراج کے متعلق کارروائی کو یقینی بنایا جائے،کرپشن کی شکایت پر زیرو ٹالرنس پالیسی کو اپنایا جائے گا۔ منشیات فروشوں، آئس ڈیلررز، بدمعاشوں، رسہ گیروں کے خلاف گھیرا تنگ کیا جائے۔