کیسکو کے مختلف گرڈ سٹیشنز پر بجلی بندش کا شیڈول جاری

کوئٹہ (اُردو پوائنٹ اخبارتازہ ترین - اے پی پی۔ 10 مئی2024ء) کوئٹہ الیکٹرک سپلائی کمپنی کے مختلف فیڈرز پر بجلی کی بندش کے شیڈول کا اعلان کردیا گیا۔ کیسکو کے اعلامیہ کے مطابق کوئٹہ سٹی گرڈاسٹیشن پر12مئی (بروزاتوار) کو ضروری مرمت کاکام کیاجائے گا جس کے باعث کوئٹہ سٹی گرڈاسٹیشن کے جناح روڈ، سورج گنج بازار، اولڈسمنگلی، پی ٹی وی، ملک پلانٹ، ایم ای ایس، کیسکو، عالم خان، مارکرفیکٹری، ایف سی اسپتال، مالک،کسٹم اور بروری روڈ، پی اے ایف، انٹرکنیکٹر، نواں کلی، کینٹ، اسٹیڈیم، کوئٹہ کمرشل فیڈروں سے صبح8بجے سے شام 4بجے تک بجلی کی فراہمی بندرہے گی نیز اُسی روز (12مئی) مری آبادگرڈاسٹیشن کے لیاقت بازارایکسپریس، سٹی اور گلستان روڈفیڈروں سے صبح10بجے سے دوپہر2بجے تک بجلی بندہوگی۔

علاوہ ازیں صحبت پورگرڈاسٹیشن پر مرمتی کام کے سلسلے میں تمام فیڈروں سے صبح7بجے تا دوپہر2بجے بجلی بندرہے گی۔

(جاری ہے)

اس کے علاوہ کوئٹہ شہرکے مختلف علاقوں میں بجلی کے کھمبوں کی شفٹنگ اور ترقیاتی کام کئے جارہے ہیں اور اس سلسلے میں 13مئی (بروزپیر) سریاب گرڈاسٹیشن کے اے ون سٹی، سمنگلی ایکسپریس، کرانی، واسا، ہزارہ ٹاون، جڑسا، سریاب ون، سریاب ٹو، گرڈکالونی، اولڈلیاقت بازار، نیو جان محمد، خیر بخش مری، جائنٹ روڈ، منی مارکیٹ، انڈسٹریل، چلتن، سرکی روڈ، سیٹلائٹ ٹاؤن فیڈروں سے صبح10:30بجے سے دوپہر2:30بجے تک بجلی بندہوگی نیز اُسی روزمری آبادگرڈاسٹیشن کے مری آباد،سیدآباد، کاسی ون، کاسی ٹو،طوغی روڈ، لیاقت بازارایکسپریس اور سٹی فیڈروں سے صبح11بجے سے شام 5:30بجے تک جبکہ کوئٹہ سٹی گرڈاسٹیشن کے اولڈسمنگلی، انٹرکنیکٹر،پی ٹی وی، پی اے ایف، جناح ٹاؤن،مالک، بروری، سورج گنج بازار، جی او آر کالونی، عالم خان، مارکرفیکٹری، شہباز ٹاؤن، ملک پلانٹ، کسٹم، ایف سی اسپتال اور نواں کلی بائی پاس، صاحبزادہ فیڈروں سے صبح10بجے سے سہ پہر3:30بجے تک بجلی بندرہے گی، اسکے علاوہ13مئی کے روز انڈسٹریل گرڈاسٹیشن کے سیٹلائٹ ٹاؤن ایکسپریس، راڈار، ایف جی ایس، نیومیاں غنڈی، شاہنواز، عاصم آباد،سریاب مل، شموزئی فیڈروں سے صبح11بجے سے سہ پہر3بجے تک جبکہ دروازہ گرڈاسٹیشن کے کولپور ون، کولپورٹو، میر سیفل، سیگار، منان آباد، عثمان آباد، واسا، اولڈاور نیو محمدحسنی فیڈروں سے بھی 13مئی کو 12بجے دن سے شام 5بجے تک بجلی بندہوگی۔

دریں اثناء 132KVٹرانسمیشن لائنز اور گرڈاسٹیشنوں پر ضروری مرمت کے کاموں کے سلسلے میں 13مئی کو نوشکی اور منگچر گرڈسے دن 12بجے تا شام 4بجے جبکہ نال گرڈاسٹیشن سے صبح 11بجے سے سہ پہر3بجے تک بجلی بندرہے گی نیز اُسی روز ڈھاڈر گرڈاسٹیشن سے صبح9بجے سے دوپہر2بجے تک جبکہ مند اور تمپ گرڈاسٹیشنز سے بھی 13مئی کو صبح9بجے تا شام 4بجے بجلی کی فراہمی معطل رہے گی۔تاہم بجلی بندش پر زحمت کیلئے متعلقہ صارفین سے پیشگی معذرت کی گئی ہے۔