گواسکر کا آئی پی ایل چھوڑ کر جانے والے انگلش کرکٹرز کیخلاف کارروائی کا مطالبہ

نئی دہلی (اُردو پوائنٹ اخبارتازہ ترین - این این آئی۔ 14 مئی2024ء) بھارت کے سابق کپتان سنیل گواسکر نے اپنی قومی ذمہ داریاں نبھانے کیلیے آئی پی ایل چھوڑنے والے انگلش کرکٹرز کیخلاف کارروائی کا مطالبہ کردیا۔میڈیارپورٹ کے مطابق انگلینڈ نے ورلڈکپ سے قبل پاکستان کیخلاف سیریز کیلئے اپنے اہم کھلاڑیوں کو آئی پی ایل سے واپس بلانے کا فیصلہ کیا ہے اور کھلاڑی اپنی اپنی ٹیموں کو چھوڑ کر وطن روانہ ہونا شروع ہوگئے ہیں جس پر بھارتی ٹیم کے سابق کپتان سنیل گواسکر سیخ پا ہیں۔

(جاری ہے)

ایک اخباری کالم میں سنیل گواسکر نے لیگ پر نیشنل ڈیوٹی کو ترجیح دینے والے پلیئرز پر تنقید کے تیر تیر برساتے ہوئے لکھا کہ فرنچائز کو اپنی دستیابی ظاہر کرنے کے بعد یوں ایونٹ سے دستبردار ہو کر کھلاڑیوں نے فرنچائز کو مایوس کیا ہے۔انہوں نے مطالبہ کیا کہ بی سی سی آئی کو چاہیے کہ ان فرنچائزوں کو اس بات کی اجازت دیں کہ وہ پلیئرز کے معاوضے سے کٹوتی کریں اور ساتھ ساتھ انگلش کرکٹ بورڈ کو پلیئرز فیس کا طے شدہ کمیشن بھی ادا نہ کیا جائے۔سنیل گواسکر نے کہا کہ ای سی بی کو پلیئرز ریلیز فیس اس لیے دی جاتی ہے کیوں کہ بورڈ پلیئرز ریلیز کرے لیکن اگر بورڈ ایسا نہیں کر رہا تو اس پر بی سی سی آئی کو ایکشن لینا چاہیے۔