ایل ڈی اے کے زیر اہتمام مختلف سکیموں میں پرائم لوکیشن کے پرکشش پلاٹوں کی نیلامی کل ہو گی

منگل 14 مئی 2024 22:30

لاہور (اُردو پوائنٹ اخبارتازہ ترین - اے پی پی۔ 14 مئی2024ء) ایل ڈی اے کے زیر اہتمام مختلف سکیموں میں پرائم لوکیشن پر واقع پرکشش پلاٹوں کی نیلامی آج بروز بدھ کو دن 10بجے ایل ڈی اے کمیونٹی سنٹر نیو گارڈن ٹائون میں منعقد ہو گی۔نیلام عام میں لبرٹی پارک اینڈ رائیڈ پلازہ، گلبرگ کا (فرسٹ فلور)،ایل ڈی اے ایونیو ون میں واقع پٹرول پمپ سائٹ کے حقوق کرایہ داری نیلام کے لیے پیش کیے جائیں گے۔

(جاری ہے)

جوہر ٹائون،آرکیٹیکٹ اینڈ انجینئر ز کوآپریٹو سوسائٹی اور فیصل ٹائون کی ایجوکیشن سائٹس نیلام عام کیلئے پیش کی جائیں گی۔ جوہر ٹائون میں واقع کمرشل پلاٹ، علامہ اقبال ٹائون، جوہرٹائون، لیک سٹی میں واقع پبلک یوٹیلیٹی سائٹس اور ایجوکیشن سائٹس نیلام عام کیلئے پیش کی جائیں گی۔ نیلام عام میں تیزاب مارکیٹ دو موریہ پل(کمرشل دکانیں)، پیکیجز کوارٹر والٹن روڈ، مصطفی ٹائون، علامہ اقبال ٹائون، سبزہ زار، قائداعظم ٹائون، جوہر ٹائون،جوبلی ٹائون، ایونیوون اور تاجپورہ کے کمرشل و رہائشی پلاٹ بھی شامل ہیں۔