گوجرانوالہ 16 مئی (اے پی پی) (اُردو پوائنٹ اخبارتازہ ترین - اے پی پی۔ 16 مئی2024ء) صوبائی وزیر اسپیشلائزڈ ہیلتھ کیئراینڈ میڈیکل ایجوکیشن
پنجاب خواجہ سلمان رفیق نے کہا ہے کہ صحت کی معیاری سہولیات کی فراہمی
وزیر اعلیٰ پنجاب
مریم نواز شریف کی اہم ترجیح ہے،صوپہ بھر کے ہسپتالوں کی بہتری کیلئے تمام وسائل بروئے
کار لائے جا رہے ہیں,
پنجاب بھر کے ہسپتالوں کی بہتری اور جدید طبی آلات اور مشینری کی خریداری کے لیے 15۔
ارب روپے کے فنڈز فراہم کر دئے گئے ہیں ۔اس کے علاؤہ بنیادی مراکز صحت کو ایک ڈیڑھ سال میں بہترین طبی سہولیات سے آراستہ کردیا جائےگا،
وزیر اعلیٰ پنجاب
مریم نواز شریف لوگوں کو انکے گھر کی دہلیز پر صحت کی سہولیات کی دستیابی کے لیے دن رات کوشاں ہیں، ان خیالات کا اظہار انہوں نےگوجرانوالہ ٹیچنگ ہسپتال (پرانا ڈی ایچ کیو ہسپتال) اور چلڈرن ہسپتال کے دورہ کے دوران گفتگو کرتے ہوئے کیا۔
(جاری ہے)
اس موقع پرایم ایس
ڈاکٹر ارشاد اللہ گورائیہ ،ڈائریکٹر ڈویلپمنٹ
ڈاکٹر عادل ،ڈی ایم ایس و سی ایس او
ڈاکٹر عمر شہباز ،ڈائریکٹر فنانس عابد علی
،ڈاکٹر میاں وحید احمدکے علاؤہ دیگر ڈاکٹرز و سٹاف انکے ہمراہ تھے۔ انہوں نے کہا کہ آج کے دورے کا مقصد جاری تعمیراتی کاموں کا موقع پر پہنچ کر جائزہ لینا ہے تاکہ اچھا کام کرنے والوں کی تعریف اور سست روی سےکام کرنے والوں کی سرزنش کی جائے گی انہوں نے گوجرانوالہ ٹیچنگ ہسپتال کے مختلف شعبہ جات میں جاری تعمیراتی کام کا جائزہ لیا اور مختلف شعبوں آوٹ ڈور،،ریڈیالوجی،ٹراماسینٹر،آکسیجن سپلائی میں ہونے والے کام کامعیاردیکھاگیا۔
انہوں نے کہا کہ ہماری حکومت میں میڈیکل کالج اور گوندلانوالہ میں نیا ہسپتال بنایاگیا۔گوندلانوالہ ہسپتال شروع کرنے میں تاخیرہوئی اسے
نگران حکومت نے مکمل کیا۔میں نے دورے کرکے
وزیر اعلیٰ پنجاب
مریم نواز شریف کوبتایاکہ لوگ رش کی وجہ سے پریشان ہیں اس لیے آج آیاہوں۔انہوں نے کہا کہ ہسپتال کی تزئین و آرائش کا کام 30جون تک مکمل کرنے کاکہاگیاہے لیکن امیدہے15جون تک کام مکمل ہوجائے گا اس موقع پر بریفننگ دیتے ہوئے ایم ایس
ڈاکٹر ارشاد اللہ گورائیہ اور ڈائریکٹر ڈویلپمنٹ
ڈاکٹر عادل نے صوبائی وزیر کو بتایا کہ گوجرانوالہ ٹیچنگ ہسپتال کے پانچ شعبہ جات ،او پی ڈی ،ایڈمن،ریڈیالوجی،لیور اور کارڈیالوجی مکمل طور پر فنکشنل ہو چکے ہیں جبکہ سرجری ،میڈیسن،گائنی ،ٹراما سنٹر، سمیت دیگر تمام شعبوں کو 30 جون سے پہلے فنکشنل ہو جائیں گے ۔
انہوں نے مزید بتایا کہ ہسپتال کی ایم اہنڈ آر کی سکیم کے لیے 627 ملین روپے مختص کیے گئے ہیں تھے اورابتک ایم اینڈ آر کے 358ملین خرچ ہو چکے ہیں جبکہ ایے ڈی پی کے 882ملین روپے میں سے 447ملین روپے خرچ ہو چکے ہیں انہوں نے کہا کہ ہسپتال کی تزئین و آرائش کے بعد تمام شعبہ جات 30 جون تک فعال کر دئے جائیں گے انہوں نے مزید بتایا کہ ہسپتال میں روزانہ 1800مریضںوں کو او پی ڈی سروسز فراہم کی جا رہی ہیں ۔
مریم نواز سے متعلق تازہ ترین معلومات
