ہمیشہ ججز اور عدالتوں کا احترام کیا ہے،مریم اورنگزیب

جمعہ 17 مئی 2024 13:09

لاہور (اُردو پوائنٹ اخبارتازہ ترین - اے پی پی۔ 17 مئی2024ء) پنجاب کی سینئروزیر مریم اورنگزیب نے کہا ہے کہ ہم نے ہمیشہ ججز اور عدالتوں کا احترام کیا ہے۔

(جاری ہے)

جمعہ کے روز لاہور ہائیکورٹ میں صوبائی وزیر قانون میاں مجتبی شجاع الرحمن کے ہمراہ میڈیا سے گفتگو کرتے ہوئے سینئر صوبائی وزیر مریم اورنگزیب نے کہا کہ ججز کی تعیناتی کے لئے کمیٹی بنائی تھی جس میں صوبائی وزیر قانون مجتبی شجاع الرحمن شامل ہیں، ججز صاحبان نے بلایا تھا کہ اوپن کورٹ میں بات کریں، درخواست کی تھی کہ چیمبر میں بات کر لیتے ہیں لیکن اب سماعت ہو گئی ہے، پیر کا وقت دیا ہے امید ہے مفید سماعت ہو گی۔

انہوں نے کہا کہ ہم نے ہمیشہ ججز،قانون اور عدالتوں کا احترام کیا ہے، ہم نے کبھی عدالتوں پر دھاوے نہیں بولے ، اس وجہ سے آج سرخرو ہوئے ہیں، ہمارے پاس منگل کو یہ کیس آیا ہم نے کام شروع کیا اور آج ہم عدالت میں پیش ہو گئے ہیں۔

Facebook Twitter Google + Share on Whatsapp

ہمیشہ ججز اور عدالتوں کا احترام کیا ہے،مریم اورنگزیب

متعلقہ عنوان :

مزید اہم خبریں