کراچی کے عباسی شہید ہسپتال کی ایمرجنسی بنیادی سہولیات سے محروم

جمعہ 17 مئی 2024 22:30

کراچی(اُردو پوائنٹ اخبارتازہ ترین - این این آئی۔ 17 مئی2024ء) کراچی کے عباسی شہید ہسپتال کی ایمرجنسی بنیادی سہولیات سے بھی محروم ہے جس سے مریض تکلیف کے ساتھ شدید پریشانی کا بھی شکار ہو رہے ہیں۔

(جاری ہے)

تفصیلات کے مطابق عباسی شہید ہسپتال کے ایمرجنسی وارڈ میں اسٹریچر تک موجود نہیں اور تیماردار مریضوں کو گود میں اٹھا کر دوسرے ہسپتال لے جانے پر مجبور ہیں۔ایک تیماردار نے بتایا کہ ہسپتال کی ایمرجنسی میں مریضوں کو کوئی دیکھنے والا نہیں، نہ آکسیجن سلنڈرز ہیں نہ طبی عملہ مریضوں کو دیکھ رہا ہے جبکہ ہسپتال میں لیڈی میڈیکو لیگل افسر بھی موجود نہیں۔