لاہور،رائے ونڈ میں 50 سالہ شخص کو گولیاں مار کر قتل کردیا گیا

ہفتہ 18 مئی 2024 21:33

لاہور (اُردو پوائنٹ اخبارتازہ ترین - آن لائن۔ 18 مئی2024ء) رائے ونڈ کے علاقہ میں 50سالہ شخص کو گولیاں مار کر قتل کر دیا گیا۔ پولیس کے مطابق قتل کا وقوعہ گڑھی گائوں جودھو دھیر میں پیش آیا۔

(جاری ہے)

اسحاق نامی ملزم نے ذوالفقار کو فرزند کے ڈیرے پر آکر گولیاں مار کر قتل کیا ۔پولیس کا بتانا ہے کہ ہربنس پورہ لاہور کا رہائشی 50سالہ ذوالفقار10سال سے فرزند نامی شخص کے ڈیرے پر ملازمت کر رہا تھا ، ملزم اسحاق قتل کے بعد موقع سے فرار ہو گیا جس کی تلاش جاری ہے ، مقتول کی لاش پوسٹ مارٹم کے لئے مردہ خانے جمع کروا دی گئی ۔