پاکستان تحریک انصاف کے رہنما حماد اظہر بھی منظر عام پر آگئے

اسلام آباد (اُردو پوائنٹ اخبارتازہ ترین - آن لائن۔ 22 مئی2024ء) پاکستان تحریک انصاف کے رہنما حماد اظہر بھی منظر عام پر آگئے ،پی ٹی آئی کے جی 8 میں واقع مرکزی سیکرٹریٹ پہنچ گئے ۔سیکرٹریٹ آمد پر میڈیا سے گفتگو کرتے ہوئے حماد اظہر نے کہا کہ بانی پی ٹی آئی کا پیغام سر آنکھوں پر کل پیغام ملا آپ کے منظر عام پر آنے کا وقت آگیا ہے تو میں میدان میں آگیا ہوں ۔

(جاری ہے)

ان کا کہنا تھا کہ اس سے پہلے مجھے کہا گیا تھا کہ تم پر تشدد ہو گا اس لیے روپوش ہو جاؤ لیکن اب روپوشی ختم کردی ہے ہم کسی صورت نہیں جھکیں گے اور رؤف حسن پر حملے کی مذمت کرتے ہیں۔ انہوں نے کہا کہ عمران خان نے کہا ہے کہ پارٹی کو آپ کی ضرورت ہے قیادت کرنے کا وقت آگیا ہے ۔حماداظہرنے مزیدکہا کہ اب میں پشاورجاؤں گا، پشاورسے ضمانت کروا کرلاہورکی متعلقہ عدالتوں میں پیش ہوں گا، مراد سعید سمیت دیگر رہنما بھی بہت جلد منظرعام پرآئیں گے۔یاد رہے حماد اظہر گزشتہ سال 9مئی کے بعد سے روپوش تھے اور اب تقریباً ایک سال بعد منظرعام پر آئے ہیں۔ سانحہ 9 مئی کے بعد حماد اظہر کے خلاف بھی دہشت گردی اور مختلف الزاما کے تحت مقدمات درج کیے گئے ہیں اور وہ کافی عرصے سے روپوش تھے۔