وزیر اعلی مریم نوازشریف کاایئر ایمبولینس جلد شروع کرنے کا حکم،جون تک کی ڈیڈ لائن مقرر

سی پی آر ٹریننگ پروگرام شروع کرنے کی منظوری، سکولوں، کالجوں،یونیورسٹی کے طلبہ کو ہارٹ ا ٹیک کی فرسٹ ایڈ ٹریننگ دی جائیگی دوردرازعلاقوں میں ہنگامی صورتحال میں مریض شفٹ کرنے کیلئے ایئرایمبولینس سروس استعمال ہوگی‘مریم نوازشریف وزیراعلی مریم نواز کی زیر صدارت اجلاس، ایئر ایمبولینس اور ایمرجنسی سروسز سے متعلق امور کا جائزہ، ڈاکٹر رضوان نصیر نے بریفنگ دی

جمعرات 23 مئی 2024 22:10

وزیر اعلی مریم نوازشریف کاایئر ایمبولینس جلد شروع کرنے کا حکم،جون ..

لاہور(اُردو پوائنٹ اخبارتازہ ترین - این این آئی۔ 23 مئی2024ء) وزیر اعلی پنجاب مریم نوازشریف نے ایئر ایمبولینس سروس جلد شروع کرنے کا حکم دیا ہے اور اس ضمن میں جون تک کی ڈیڈ لائن مقررکر دی ہے۔وزیر اعلی مریم نوازشریف نے سی پی آر ٹریننگ پروگرام شروع کرنے کی منظوری دے دی ہے۔ وزیر اعلی مریم نوازشریف نے طلبہ کے لئے سی پی آر ٹریننگ پروگرام شروع کرنے کی ہدایت کی اور کہا کہ دوردراز علاقوں میں ہنگامی صورتحال میں مریض شفٹ کرنے کے لئے ایئر ایمبولینس سروس استعمال ہوگی۔

وزیراعلی پنجاب مریم نواز شریف کی زیر صدارت خصوصی اجلاس منعقد ہوا جس میں ایئر ایمبولینس اور ایمرجنسی سروسز سے متعلق امور کا جائزہ لیا گیا۔ وزیر اعلی مریم نوازشریف کو بریفنگ میں بتایا گیا کہ سکولوں، کالجوں اور یونیورسٹی کے طلبہ و طالبات کو ہارٹ ا ٹیک کی فرسٹ ایڈ ٹریننگ دی جائے گی۔

(جاری ہے)

ایئر ایمبولینس سروس کے لئے موک ایکسرسائز کا مرحلہ مکمل ہوگیا۔

ایئر ایمبولینس سروس کے لئے ڈاکٹر اور سٹاف کی ٹریننگ جاری ہے۔ سیکرٹری ایمرجنسی سروسز رضوان نصیر نے ایئر ایمبولینس سروس اور سی پی آر ٹریننگ پر بریفنگ دی۔ صوبائی وزیر سپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق، ڈاکٹر عدنان خان، سیکرٹری فنانس مجاہد شیر دل، پرنسپل سیکرٹری ساجد ظفر ڈال، سیکرٹری ایمپلی منٹیشن دانش افضال اور دیگر موجود تھے۔