بلوچستان ہائیکورٹ ، بانی پی ٹی آئی کیخلاف آرٹیکل 6 کے تحت کارروائی شروع کرنے بارے دائر کردہ درخواست نمٹادی گئی

جمعرات 23 مئی 2024 23:15

کوئٹہ (اُردو پوائنٹ اخبارتازہ ترین - این این آئی۔ 23 مئی2024ء) بلوچستان ہائی کورٹ نے بانی پی ٹی آئی کیخلاف آرٹیکل 6 کے تحت کارروائی شروع کرنے کے حوالے سے دائر کردہ درخواست نمٹادی ۔

(جاری ہے)

بانی پی ٹی آئی کے خلاف آرٹیکل چھ کے تحت کارروائی شروع کرنے کیلئے آئینی درخواست کی سماعت چیف جسٹس ہائی کورٹ جسٹس ہاشم خان کاکڑ اور جسٹس شوکت رخشانی پر مشتمل ڈویژن بینچ نے کی،فریقین کے د لائل کے بعد ہائی کورٹ نے بانی پی ٹی آئی کیخلاف آرٹیکل 6 کے تحت کارروائی کی درخواست عدالتی دائرہ اختیار میں نہ ہونیکی بناپر نمٹائی،عدالت کیریمارکس تھے کہ اس حوالے سے سپریم کورٹ چھ نومبر 2023کو ایک فیصلہ دے چکی ہے جس میں آرٹیکل چھ کے تحت کارروائی کا دائرہ اختیار پارلیمنٹ کو دیاگیا ہے،ہم سپریم کورٹ کے اسی فیصلے کے پابند ہیں،آرٹیکل چھ کے تحت درخواست پر کارروائی کے کیس میں بانی پی ٹی آئی کی پیروی اقبال شاہ ایڈووکیٹ نیکی سینئر وکیل امان اللہ کنرانی نے قومی اسمبلی تحلیل کرنے کیلئے ایڈوائس دینے پر بانی پی ٹی آئی کیخلاف آرٹیکل 6 کے تحت کارروائی کی درخواست دائر کی تھی۔