اپوزیشن رکن کی جانب پولیس افسران اور اہلکاروں کیخلاف تحریک استحقاق قومی اسمبلی سیکرٹریٹ میں جمع

جمعہ 24 مئی 2024 17:10

اسلام آباد (اُردو پوائنٹ اخبارتازہ ترین - این این آئی۔ 24 مئی2024ء) اپوزیشن رکن کی جانب پولیس افسران اور اہلکاروں کیخلاف تحریک استحقاق قومی اسمبلی سیکرٹریٹ میں جمع کر ادی گئی ۔تفصیلات کے مطابق تحریک استحقاق ڈی پی او میانوالی سمیت میانوالی کے مختلف پولیس افسران اور اہلکاروں کے خلاف جمع کی گئی،تحریک استحقاق رکن قومی اسمبلی جمال احسن خان کی جانب سے جمع کرائی گئی ۔

(جاری ہے)

تحریک استحقاق کے مطابق متعدد اہلکاروں نے بغیر کسی تلاشی یا گرفتاری کے وارنٹ کیہراساں کیا،2گھنٹے تک عوام کے سامنے حراست میں رکھا۔تحریک استحقاق کے مطابق پولیس افسران کا طرز عمل اراکین پارلیمنٹ کے احترام اور وقار کو مجروح کرتا ہے، اس سے پورے ایوان کا استحقاق بھی مجروح ہوا ہے۔تحریک استحقاق کے مطابق اس بلاجواز کارروائی کے ذمہ دار پولیس افسران کا احتساب کیا جائے، آئی جی اور چیف سیکرٹری پنجاب سے مکمل رپورٹ طلب کی جائے۔