خصوصی اقتصادی زونز سے ٹیکسٹائل، فارماسیوٹیکل، اور زراعت جیسی صنعتوں کو نمایاں طور پر فروغ ملنے کی امید ہے، وزیراعلیٰ بلوچستان

جمعہ 24 مئی 2024 21:10

اسلام آباد (اُردو پوائنٹ اخبارتازہ ترین - این این آئی۔ 24 مئی2024ء) وزیر اعلیٰ بلوچستان سرفرازبگٹی نے کہاہے کہ خصوصی اقتصادی زونز سے ٹیکسٹائل، فارماسیوٹیکل، اور زراعت جیسی صنعتوں کو نمایاں طور پر فروغ ملنے کی امید ہے۔

(جاری ہے)

اپنے بیان میں سرفراز بگٹی نے کہاکہ ہم چین کو کان کنی کے شعبے میں زیادہ سے زیادہ سرمایہ کاری کرنے کی تجویز پیش کرتے ہیں۔ انہوںنے کہاکہ ہم بلوچستان میں چینی کارکنوں کو بہتر سیکورٹی فراہم کرنے کے لیے کوشاں ہیں،امن کے فروغ کے لیے بلوچستان میں کشادگی اور رابطہ پیدا کیے جارہے ہیں۔انہوںنے کہاکہ بلوچستان کے معدنی ذخائر سے بھرپور علاقوں کو گوادر سے ملایا جائے گا۔