شدید گرمی کے باوجود عوام کو گھر کی دہلیز پر علاج کی سہولتیں مہیا کرنیوالے ڈاکٹرز اور سٹاف قابل تحسین ہیں ، وزیر اعلی پنجاب

اتوار 26 مئی 2024 19:20

لاہور (اُردو پوائنٹ اخبارتازہ ترین - اے پی پی۔ 26 مئی2024ء) وزیر اعلی مریم نواز کی شعبہ صحت میں بہتری کی کاوشیں رنگ لانے لگیں -شہروں اور دیہات میں فیلڈ ہسپتال، کلینک آن وہیلز سے روزانہ ہزاروں مریض مستفید ہونے لگے۔کینسر،ٹی بی اور ہیپاٹائٹس کے مریضوں کومفت ادویات گھر میں ملنے لگیں ۔وزیر اعلی نے فیلڈ ہسپتال اور کلینک آن ویلز پراجیکٹ پر اطمینان کا اظہار کرتے ہوے کہا کہ پنجاب کے ہر شہری کو خوش،خوشحال اور صحت مند دیکھنا چاہتے ہیں ،ہر سیکٹر میری ترجیح ہے مگر صحت کی سہولتوں کی بہتری پر پوری توجہ ہے۔

شدید گرمی کے باوجود عوام کو گھر کی دہلیز پر علاج کی سہولتیں مہیا کرنے والے ڈاکٹرز اور سٹاف قابل تحسین ہیں ۔وزیر اعلی نے کہا کہ فیلڈ ہسپتال اور کلینک آن ویلز ذریعے ہزاروں مریضوں کے علاج کی سروسز خود مانیٹر کررہی ہوں ۔

(جاری ہے)

ہیلتھ ریفارمز کے ثمرات دیکھ کر عوام کی مزیدخدمت کرنیکا جذبہ مزید تقویت پکڑرہا ہے،جہاں ہیلتھ سہولتوں کا فقدان ہے، سٹیٹ آف دی آرٹ سہولیات پہنچارہے ہیں ۔

انہوں نے کہا کہ صوبے میں مراکز صحت اور ہسپتالوں کی اپ گریڈیشن اور ری ویمپنگ جاری ہے -صوبے کا پہلا سرکاری کینسر ہسپتال فنکشنل کرنے کیلئے اقدامات کر رہے ہیں ۔ہر ضلع میں مکمل کارڈیالوجی اور پیڈز بلاک بنانے کے پراجیکٹ پر کام شروع کردیا ہے-خدمت کا جذبہ ورثے میں ملا،اپنے عوام کے لئے ہر سہولت چاہتی ہوں۔