دوسری جنگ عظیم میں ڈوبنے والی امریکی آبدوز کا ملبہ 80 سال بعد مل گیا

پیر 27 مئی 2024 13:19

منیلا(اُردو پوائنٹ اخبارتازہ ترین - این این آئی۔ 27 مئی2024ء) دوسری جنگ عظیم میں ڈوبنے والی امریکی آبدوز کا ملبہ فلپائن کے سمندر سے 80 سال بعد مل گیا۔غیرملکی خبررساں ادارے کے مطابق چوبیس اگست 1944 کو یو ایس ایس ہارڈر کو ایک جاپانی آبدوز نے اس وقت نشانہ بنا کر ڈبو دیا تھا جب وہ فلپائن کو جاپانی قبضے سے آزاد کرانے کے جنگی مشن پر تھی۔

(جاری ہے)

جاپانی فوج سے جھڑپ کے بعد امریکی آبدوز اپنے 79 افراد پر مشتمل پورے عملے کے ساتھ ڈوب گئی تھی۔

یو ایس ایس ہارڈر کے ملبے کی تصدیق لوسٹ 52 پروجیکٹ کے فراہم کردہ ڈیٹا کی بدولت ہوئی۔کے ٹم ٹیلر کی قیادت میں اس پروجیکٹ کا مقصد دوسری عالمی جنگ کے دوران کھوئی گئی تمام 52 امریکی آبدوزوں کو تلاش کرنا ہے۔قابل ذکر بات یہ ہے کہ اس منصوبے نے پہلے ہی چھ دیگر آبدوزوں کو کامیابی سے تلاش کیا ہے۔