ذاکرنائیک کے بیانات ، مشی خان بھڑک اٹھیں

ذاکرنائیک ، جاوید اخترجیسے لوگوں کو سٹیٹ گیسٹ اورپروٹوکول دینے کی ضرورت نہیں ہے، حکومت ایسے لوگوں کو کیوں بلاتی ہے ، اداکارہ

جمعرات 10 اکتوبر 2024 23:01

ذاکرنائیک کے بیانات ، مشی خان بھڑک اٹھیں

کراچی (اُردو پوائنٹ اخبارتازہ ترین - این این آئی۔ 10 اکتوبر2024ء) اسلامک سکالر ڈاکٹر ذاکر نائیک کے متنازع بنایات اور پاکستان اور قومی ایئر لائن پر تنقید کرنے پر اداکارہ مشی خان بھڑک گئیں۔انسٹاگرام پر اداکارہ مشی خان نے ویڈیو شیئر کرتے ہوئے کہا کہ ذاکر نائیک جو اسٹیٹ گیسٹ تھے، ان کا دورہ ختم ہوا اور وہ واپس جا چکے ہیں،جس طرح جاوید اختر نے بھارت جاکر پاکستان کے بارے میں الٹا سیدھا بولا، اسی طرح ذاکر نائیک بھی قومی ایئر لائن کو برا بول رہے ہیں۔

مشی نے مزید کہا کہ 6لوگوں کا ایک ہزار کلو وزن آپ کیا لے جا رہے تھے، اگر 500کلو آپ کو چھوڑ دیا گیا تو اسٹیٹ مہمان ہونے کا یہ مطلب ہے کہ آپ اس چیز کا فائدہ اٹھائیں اور سارا سامان فری لے کر جائیں۔انہوں نے پاکستان کی برائی اور بھارت کی تعریف پر اپنے خیالات کا اظہار کرتے ہوئے کہا کہ ظاہر ہے بھارت جاکر آپ نے رہنا ہے اور آپ کو وہاں کے حالات کا پتا ہے، کیونکہ اگر آپ نے تھوڑا سا بھی کچھ کہا تو لوگ آپ کو ٹھیک ٹھاک سنا دیں گے۔

(جاری ہے)

مشی خان نے کہا کہ مجھے بہت دکھ ہوا آپ عورتوں کیلئے ایسے الفاظ بولتے ہیں، آپ کو مردوں کو سمجھانا چاہئے، خدا کا خوف کریں اور اپنے الفاظ کا چنائو ٹھیک رکھیں۔مشی خان نے حکومت سے درخواست کرتے ہوئے کہا کہ ذاکر نائیک اور جاوید اختر جیسے لوگوں کو اسٹیٹ گیسٹ اور پروٹوکول دینے کی ضرورت نہیں ہے، حکومت ایسے لوگوں کو کیوں بلاتی ہے جنہوں نے پاکستان کی مہمان نوازی کو انجوائے کرکے پھر بھارت جاکر برا کہنا ہوتا ہے، بھارت اچھا ہے تو وہیں رہا کریں، ہماری کوئی عزت نفس ہے یا نہیں۔