پنجاب کونسل آف آرٹس فیصل آباد ڈویژن کے زیراہتمام نصرت فتح علی خان کا 76 وا ں یوم پیدائش منایا گیا

اتوار 13 اکتوبر 2024 16:20

فیصل آباد (اُردو پوائنٹ اخبارتازہ ترین - اے پی پی۔ 13 اکتوبر2024ء) پنجاب کونسل آف آرٹس فیصل آباد ڈویژن کے زیراہتمام شہنشاہ قوالی استاد نصرت فتح علی خان کا 76 وان یوم پیدائش منایا گیا اس ضمن میں کیک کاٹنے کی تقریب آرٹس کونسل میں منعقد ہوئی جس میں ڈائریکٹر محمد اویس عابد،نصرت فتح علی خان اکیڈمی کے روح رواں صدر میاں بشیر احمد اعجاز،زبیرنبی ایڈووکیٹ(کینیڈا)،عدنان بیگ،حمید شاکر،شاہد نسیم چوہدری،قمرعباس،اشفاق بابر، محمود رضا سید،بیوروچیف سٹی41 ظفرڈوگر،ملک فیاض،طاہر نجفی،خرم علیم،گلوکارعلی عباس سمیت دیگرچاہنے والوں نے شرکت کی ۔

(جاری ہے)

شرکاء نے نصرت فتح علی خان کی خدمات کو زبردست انداز میں خراج عقیدت پیش کیااور کہا کہ نصرت فتح علی خاں نے گیت، غزل،قوالیاں سنا کر لوگوں کو اپنا گرویدہ بنایا۔ان کے مداح آج بھی ان کی گائیکی کے سحر میں جکڑے ہوئے ہیں اوراستاد نصرت فتح علی خاں کی آواز آج بھی زندہ ہے۔انہوں نے کہا کہ نصرت فتح علی خان کو اردو زبان میں صوفی گلوکار اور جنوبی ایشیا کے سب سے بڑے قوالی کے گلوکار کے طور پر جانا جاتا ہے۔انہوں نے پاپ و کلاسیکی موسیقی کو یک جاں کرکے موسیقی کو نئی جہت بخشی۔انہیں’’شہنشاہ قوالی‘‘ بھی کہا جاتا ہے۔