چین کے لاجسٹکس حجم میں رواں سال کے پہلے دس ماہ میں نمایاں بہتری

چین کے لاجسٹکس کا حجم 287.8 ٹریلین یوان ہو گیا ، رپورٹ جاری

جمعہ 29 نومبر 2024 19:26

بیجنگ (اُردو پوائنٹ اخبارتازہ ترین - این این آئی۔ 29 نومبر2024ء) چائنا فیڈریشن آف لاجسٹکس اینڈ پرچیزنگ کی جانب سے جاری کردہ رواں سال کے پہلے دس ماہ میں چین کے لاجسٹکس اعداد و شمار کے مطابق، سلسلہ وار پالیسیوں کے بہتر کی وجہ سے مثبت عناصر سامنے آئے اور لاجسٹکس کے متعدد پہلوؤں اور مرحلوں میں مستحکم اور بہتر رجحان دیکھنے میں آیا۔

(جاری ہے)

رواں سال جنوری سے اکتوبر تک چین کے لاجسٹکس کا حجم 287.8 ٹریلین یوان رہا، جس میں پچھلے سال کی اسی مدت کے مقابلے میں 5.7 فیصد کا اضافہ ہوا۔

اکتوبر میں چین کے لاجسٹکس کے اضافے کی رفتار جون سے کافی بہتر رہی جس سے لاجسٹکس کا بہتر رجحان ظاہر ہوتا ہے۔صنعتی مصنوعات کی لاجسٹکس کے حجم میں مستحکم اضافہ ہو رہا ہے جبکہ 80 فیصد سے زیادہ علاقوں اور شعبوں کی لاجسٹکس کے حجم میں اضافہ ہوا۔ صارفین کی لاجسٹکس کے حوالے سے کھپت کی صلاحیت کی بہتری نے اداروں اور شہریوں کے سامان کی لاجسٹکس کو نمایاں تقویت دی ہے۔