چینی ہیکرز نے امریکیوں کا میٹا ڈیٹا چوری کرلیا

وائٹ ہائوس نے چینی ہیکنگ گروپ سے نمٹنا حکومت کی ترجیح قراردے دیا

جمعرات 5 دسمبر 2024 16:41

چینی ہیکرز نے امریکیوں کا میٹا ڈیٹا چوری کرلیا

بیجنگ (اُردو پوائنٹ اخبارتازہ ترین - این این آئی۔ 05 دسمبر2024ء) چین کے ہیکرز نے بڑی تعداد میں امریکی شہریوں کا میٹا ڈیٹا چوری کرلیا۔میڈیارپورٹس کے مطابق اعلی امریکی عہدیدار نے دعوی کیا کہ سالٹ ٹائی فون (Salt Typhoon) نامی چینی ہیکنگ گروپ کی سائبر جاسوسی مہم میں امریکیوں کا میٹا ڈیٹا چوری ہوا۔وائٹ ہائوس نے چینی ہیکنگ گروپ سے نمٹنا حکومت کی ترجیح قرار دے دیا۔

(جاری ہے)

واضح رہے کہ رواں سال مارچ میں بھی امریکی محکمہ انصاف اور فیڈرل بیورو آف انویسٹیگیشن (ایف بی آئی) کی جانب سے یہ خبر سامنے آئی تھی کہ چین نے لاکھوں امریکی شہریوں کو آن لائن ہیکنگ کا نشانہ بنایا ہے۔اس تناظر میں 7 چینی شہریوں پر مقدمات بھی قائم کیے گئے تھے، ان افراد پر الزام تھا کہ وہ امریکی حکام اور شہریوں کے خلاف ہیکنگ کی ایک ایسی مہم کا حصہ رہے جو 14 برس جاری رہی۔