ننھے سوشل میڈیا اسٹاراحمد شاہ کے چھوٹے بھائی عمر شاہ کا انتقال

پیر 15 ستمبر 2025 15:45

اسلام آباد (اُردو پوائنٹ اخبارتازہ ترین - اے پی پی۔ 15 ستمبر2025ء) پیچے تو دیکھو پیچے‘‘ سے راتوں رات شہرت کی بلندیوں کو چھونے والے ننھے سوشل میڈیا اسٹار احمد شاہ کے چھوٹے بھائی عمر شاہ انتقال کرگئے۔پیر کی صبح احمد شاہ کے مصدقہ فیس بک اکاؤنٹ اور انسٹا گرام پر مداحوں کو افسوسناک خبر دی گئی کہ ان کے چھوٹے بھائی پیر عمر شاہ کا انتقال ہوگیا ہے۔

(جاری ہے)

نجی ٹی وی چینل نے عمر شاہ کے اہلخانہ کے حوالے سے بتایا کہ عمر بالکل ٹھیک تھے لیکن رات کو اچانک طبیعت خراب ہوئی اور انہیں الٹی آئی۔اہلخانہ نے بتایا کہ الٹی کے باعث کوئی چیز سانس کی نالی میں چلی گئی جس کے بعد انہیں سول ہسپتال لے جایا گیا لیکن بدقسمتی سے وہ صبح فجر کے وقت خالق حقیقی سے جا ملے۔ مداحوں نے عمر شاہ کی وفات پر ان کے اہل خانہ سے تعزیت کرتے ہوئے عمر شاہ کے درجات کی بلندی اور سوگواران کیلئے صبر جمیل کی دعا کی ہے۔ یاد رہے کہ عمر شاہ نجی ٹی وی چینل کی رمضان ٹرانسمیشن میں اپنے بڑے بھائی احمد شاہ کے ہمراہ شرکت کرتے تھے اور گزشتہ برس جولائی میں عمر شاہ کی آنکھوں کی سرجری ہوئی تھی۔