,فیصل آباد ، شہریوں کے مسائل کے حل اور پبلک فیڈ بیک کے لئے ڈیجیٹل میکانزم تیار کیا جائے ،کمشنر فیصل آباد راجہ جہانگیر انور

پیر 22 ستمبر 2025 20:20

Sفیصل آباد (اُردو پوائنٹ اخبارتازہ ترین - آن لائن۔ 22 ستمبر2025ء) شہریوں کے مسائل کے حل اور پبلک فیڈ بیک کے لئے ڈیجیٹل میکانزم تیار کیا جائے تاکہ عوام براہِ راست اپنی شکایات اور تجاویز درج کرا سکیں۔ کمشنر فیصل آباد راجہ جہانگیر انورنے یہ بات عوامی مسائل کے حل سے متعلق منعقدہ اجلاس کی صدارت کرتے ہوئے کہی۔اجلاس میں ایڈیشنل کمشنر کوآرڈینیشن عامر رضا،ایڈیشنل کمشنر کنسالیڈیشن آصف چوہان، ڈائریکٹر لوکل گورنمنٹ محمد سرور گجر، ڈپٹی ڈائریکٹر ڈویلپمنٹ ڈاکٹر نوید احمد اولکھ، اے سی جنرل فریاد دانش اور اے سی ریونیو رانا ساجد نے بھی شرکت کی۔

اجلاس میں فیصلہ کیا گیاکہ فیصل آباد ڈویژن کی تمام تحصیلوں میں عوامی مسائل کے فوری حل اور براہِ راست عوامی رابطہ کے لئے کھلی کچہریوں کا انعقاد کیا جائے گا۔

(جاری ہے)

اس سلسلے کا آغاز25 ستمبر کو تحصیل جڑانوالہ سے ہوگا۔کمشنر نے کہاکہ ریونیو،تعلیم، سپورٹس، یونین کونسل اور میونسپل کارپوریشن سے متعلقہ عوامی مسائل تحصیل سطح پر خود سنے جائیں گے تاکہ فوری اور شفاف انداز میں ان کا ازالہ کیا جا سکے۔

اجلاس کے دوران کمشنر نے ہدایت کی کہ تحصیلوں میں تعینات بدعنوان ملازمین کی فہرستیں مرتب کی جائیں اور اس سلسلے میں ایڈیشنل کمشنر کوآرڈینیشن کو خصوصی ذمہ داری سونپی گئی۔ انہوں نے کہا کہ تمام اسسٹنٹ کمشنرز عوامی مسائل کے حل کے لئے فیلڈ میں متحرک نظر آئیں جبکہ ریونیو افسران کو واضح طور پر ہدایت کی گئی کہ خواتین کے وراثتی انتقال پر مکمل عملدرآمد کو یقینی بنایا جائے۔کمشنر نے سڑکوں کی بحالی اور ترقیاتی کاموں میں استعمال ہونے والے میٹریل کے معیار پر بھی زور دیتے ہوئے کہا کہ تعمیراتی میٹریل کو لیبارٹریز سے باقاعدہ چیک کروایا جائے تاکہ معیاری منصوبہ بندی یقینی بنائی جا سکی