بینگن کی پنیری کوبیماریوں سے محفوظ رکھنے کیلئے اقدامات کی ہدایت

منگل 18 نومبر 2025 14:54

سیالکوٹ (اُردو پوائنٹ اخبارتازہ ترین - اے پی پی۔ 18 نومبر2025ء) محکمہ زراعت سیالکوٹ نے کاشتکاروں کو ہدایت کی ہے کہ بینگن کی پنیری کو بیماریوں کے حملوں سے محفوظ رکھنے کیلئے حفاظتی اقدامات پر خصوصی توجہ دی جائے،پنیری کو ابتدائی مراحل میں مختلف بیماریوں کا خدشہ رہتا ہے، جس کے باعث فصل کو نقصان پہنچ سکتا ہے۔

(جاری ہے)

اس حوالے سے زراعت آفیسر مرکز کینٹ عمار عبداللہ نے ”اے پی پی“ کو بتایا کہ بینگن کی پنیری پر تنے کے گلاؤ کی بیماری حملہ آور ہوسکتی ہے، جو فصل کیلئے شدید نقصان دہ ثابت ہوتی ہے۔

انہوں نے بتایا کہ اس بیماری کے جراثیم زمین کے قریب تنے پر حملہ کرتے ہیں جس کے نتیجے میں تنے پر ہلکا یا بھورا نشان ظاہر ہوتا ہے۔انہوں نے مزید کہا کہ اگر بیماری پر فوری قابو نہ پایا جائے تو تنے کے خشک ہونے سے پودا کمزور ہوکر بالآخر تباہ ہوسکتا ہے۔ انہوں نے کاشتکاروں کو ہدایت کی کہ پنیری کی مسلسل نگرانی کریں اور بیماری کے ابتدائی آثار ظاہر ہوتے ہی مناسب تدارکی اقدامات اختیار کریں۔