ایگریکلچر آفیسر بٹگرام کا فیلڈ اسسٹنٹ کے ہمراہ یونین کونسل اجمیرہ کا دورہ، زعفران کے آزمائشی پلاٹ کا معائنہ کیا

جمعہ 21 نومبر 2025 13:12

ایبٹ آباد (اُردو پوائنٹ اخبارتازہ ترین - اے پی پی۔ 21 نومبر2025ء) ایگریکلچر آفیسر بٹگرام سید دانیال حسین شاہ نے فیلڈ اسسٹنٹ محمد ظہیر کے ہمراہ یونین کونسل اجمیرہ کا دورہ کیا اور زعفران کے آزمائشی پلاٹ کا معائنہ کیا۔ انہوں نے فصل کی بڑھوتری اور زرعی طریقہ کار کا جائزہ لیا اور کسانوں کو ضروری رہنما ہدایات دیں۔

(جاری ہے)

فیلڈ اسسٹنٹ محمد ضیاءالحق نے یونین کونسل ترند میں لگائے گئے زعفران کے آزمائشی پلاٹ کا تفصیلی معائنہ کیا۔ انہوں نے فصل کی موجودہ حالت، آبپاشی اور نگہداشت کے امور کا جائزہ لیا اور متعلقہ کاشتکاروں کو مزید بہتری کے لئے ہدایات دیں۔ یہ معائنہ زعفران کی کاشت کے فروغ، پیداوار میں اضافے اور مقامی کاشتکاروں کی تکنیکی رہنمائی کے سلسلے کی عملی کوششوں کا حصہ ہے۔