داب کا طریقہ گندم کے کھیتوں سے جڑی بوٹیوں کے انسداد کےلئے آسان، سستا و انتہائی موثر ہے،عامر صدیق

بدھ 3 دسمبر 2025 17:11

فیصل آباد (اُردو پوائنٹ اخبارتازہ ترین - اے پی پی۔ 03 دسمبر2025ء) گندم سمیت دیگر فصلوں میں موجود جڑی بوٹیاں فصل کی پیداواری صلاحیت کو بری طرح متاثر کرتی ہیں جس کے باعث فی ایکڑ پیداوار میں بھی کمی کا سامنا کرنا پڑ سکتا ہے لہٰذا کاشتکار جڑی بوٹیوں کی تلفی کو بروقت یقینی بنائیں اور جڑی بوٹیاں ختم کرنے کےلئے داب کا طریقہ استعمال کریں کیونکہ یہ طریقہ انتہائی آسان ترین، سب سے سستا اور موثر ہے تاہم جڑی بوٹیوں کو بار ہیرو، گوڈی اور دیگر کیمیائی و غیر کیمیائی طریقوں سے بھی ختم کر کے گندم کی پیداوار میں 14سے 42فیصد تک اضافہ یقینی بنایا جاسکتاہے۔

اسسٹنٹ ڈائریکٹر محکمہ زراعت توسیع فیصل آبادعامرصدیق نے بتایا کہ بارہیرو طریقہ بوائی کے بعد بارش کے بعد زمین کے وترحالت میں آنے پرا ختیار کیا جانا چاہیے کیونکہ دوھری بارہیرو چلانے سے جنگلی جئی اور دمبی سٹی جیسی جڑی بوٹیاں تلف ہوجاتی ہیں اور گوڈی کا عمل جڑی بوٹیوں کی تلفی کے علاوہ فصل کی نشوونما کیلئے بھی مفید ہے۔

(جاری ہے)

انہوں نے بتایاکہ جڑی بوٹیوں کو آغاز ہی میں ختم کرنے کےلئے پودوں کے صحیح اگاؤ کے بعد کھرپے یا کسولے کے ذریعے گوڈی کرکے کھیت کو جڑی بوٹیوں سے پاک کیا جاسکتاہے اور کیمیائی طریقہ انسداد کے ذریعے جڑی بوٹیوں کو تلف کرنے کےلئے مختلف کیمیائی زہریں بھی استعمال کی جاسکتی ہیں۔

انہوں نے بتایاکہ گھاس نما یعنی باریک پتوں والی جڑی بوٹیوں کیلئے علیحدہ زہریں استعمال کرنی چاہئیں اور اسی طرح چوڑے پتوں والی جڑی بوٹیوں کےلئے مخصوص زہریں استعمال کرنی چاہئیں۔ انہوں نے کہا کہ ماہرین زراعت اور محکمہ زراعت کے عملہ کی مشاورت سے زہروں کا انتخاب کرنا چاہیے تاکہ جڑی بوٹیوں کی بروقت اور مور تلفی یقینی ہو سکے۔

Facebook Twitter Google + Share on Whatsapp

داب کا طریقہ گندم کے کھیتوں سے جڑی بوٹیوں کے انسداد کےلئے آسان، سستا و انتہائی موثر ہے،عامر صدیق

متعلقہ عنوان :

مزید زراعت کی خبریں