سیالکوٹ،مسورکے کاشتکاروں کو ہفتہ میں دوبارفصل کی پیسٹ سکاؤٹنگ کرنے کی ہدایت، ڈاکٹر مقصود احمد

جمعہ 5 دسمبر 2025 23:03

سیالکوٹ (اُردو پوائنٹ اخبارتازہ ترین - اے پی پی۔ 05 دسمبر2025ء) ڈپٹی ڈائریکٹر پیسٹ وارننگ و کوالٹی کنٹرول محکمہ زراعت (پلانٹ پروٹیکشن)سیالکوٹ ڈاکٹر مقصود احمد نےکہا ہےکہ مسورکے کاشتکارہفتہ میں دوبارفصل کی پیسٹ سکاؤٹنگ کریں۔

(جاری ہے)

سست تیلہ پتوں کی نچلی سطح سے رس چوستا اور میٹھا لیسدار مادہ خارج کرتاہے جس پرکالی پھپھوندی اُگنے سے پودوں میں ضیائی تالیف کا عمل متاثرہوتاہے اس کے بروقت انسدادکیلئے کسان دوست کیڑوں، کچھوابھونڈی، لیڈی برڈبیٹل اور کرائی سوپرلاکی حوصلہ افزائی کریں۔

انہوں نے بتایا کہ حملہ معاشی نقصان کی حد تک پہنچنے پر امیڈاکلوپرڈ200ایس ایل بحساب 120ملی لیٹر فی 100لیٹرپانی ملاکر زہرپاشی کریں نیزلشکری سنڈی کے انسدادکیلئے ایما میکٹن 1.9ای سی بحساب200ملی لیٹر فی100لیٹرپانی میں ملاکر سپرے کیاجائے ۔ انہوں نے کاشتکاروں کوہدایت کی کہ وہ کھیتوں میں درخت ضرورلگائیں۔