گزشتہ سال سیالکوٹ میں 18,440کسان کارڈز سے 575 ملین روپے کے بلا سود قرض تقسیم ہوئے، ڈپٹی ڈائریکٹر محکمہ زراعت توسیع سجاد حیدر

جمعرات 1 جنوری 2026 19:50

سیالکوٹ (اُردو پوائنٹ اخبارتازہ ترین - اے پی پی۔ 01 جنوری2026ء) وزیر اعلی مریم نواز شریف کے کسان کارڈپروگرام کے تحت ضلع سیالکوٹ میں سال 2025 کے دوران دو مراحل میں 18،440 کارڈز تقسیم کئے گے ہیں جبکہ تیسرے فیز کیلئے تاحال 817 کسان کارڈز کیلئے آن لائن درخواستیں وصول ہو چکی ہے۔

(جاری ہے)

ڈپٹی ڈائریکٹر زراعت (توسیع) سیالکوٹ سجاد حیدر نے بریفنگ دیتے ہوئے کہا کہ 2025 میں کسانوں میں کسان کارڈز کے ذریعے 575 ملین روپے کے بلاسود قرضے دیئے گے تھے اور اس میں سے 564 ملین روپے کے قرضے واپس ہو چکے ہیں ، اس طرح قرضوں کی وصولی کی شرح 98.23 فیصد ہے۔

انہوں نے کہا کہ پہلے مرحلے میں 10,349 کارڈز تقسیم ہوئے جبکہ دوسرے مرحلے میں 8,091 کارڈز تقسیم کئے گے۔ انہوں نے کہا کہ دونوں مراحل میں سب سے زیادہ کسان کارڈز پسرور کی تحصیل میں تقسیم کئے گے جن کی تعداد 8,235 ہے، اس کے بعد ڈسکہ میں 6,566 کارڈز تقسیم ہوئے، سیالکوٹ تحصیل میں 2033 کارڈز تقسیم ہوئے جبکہ تحصیل سمبڑیال میں دونوں مراحل میں مجموعی طور پر 16,06 کارڈز تقسیم کئے گے ہیں۔