سیالکوٹ، محکمہ زراعت کی جانب سے اگیتی کپاس کی کاشت کے لئے سفارشات جاری

پیر 23 فروری 2026 17:00

سیالکوٹ (اُردو پوائنٹ اخبارتازہ ترین - اے پی پی۔ 23 فروری2026ء) محکمہ زراعت پنجاب نے اگیتی کپاس کی کاشت کے لئے سفارشات جاری کر دیں ہیں ۔ترجمان محکمہ زراعت (توسیع)سیالکوٹ کے مطابق کپاس کی اگیتی کاشت کے لئے محکمہ زراعت پنجاب کا سفارش کردہ وقت کاشت درجہ حرارت کو ملحوظ خاطر رکھتے ہوئے 15 فروری تا 31 مارچ مقرر کیا گیا ہے۔امسال محکمہ زراعت پنجاب نے صوبہ میں اگیتی کاشت کا7 لاکھ ایکڑ ہدف مقرر کیا ہے ۔

کاشت کے لئے محکمہ زراعت پنجاب کی طرف سے صرف کپاس کی ٹرپل جین اقسام کی سفارش کی جاتی ہیں۔ ترجمان نےمزید کہا ہے کہ اگیتی کپاس کی کاشت کیلئے بیج فیڈرل سیڈ سرٹیفکیشن اینڈرجسٹریشن ڈیپارٹمنٹ کا تصدیق شدہ ہو اور خالص ٹرپل جین قسم کا ہو ورنہ گلا ئفوسیٹ کا سپرے کرنے سے غیر ٹرپل جین اقسام کے پودے مر جائیں گے۔

(جاری ہے)

کپاس کی اگیتی کاشت کے لئے پودوں کا قطاروں کا باہمی فاصلہ 2.5 فٹ اورپودوں کا باہمی فاصلہ 1.5 تا 2 فٹ ہونا چاہیے۔

کپاس کی اگیتی کاشت کے لئے سفارش کردہ اقسام کا معیاری تندرست، خالص اور بیماریوں سے پاک، تصدیق شدہ بر اترا ہوابیج استعمال کریں۔ ترجمان محکمہ زراعت نے مزید کہا کہ اگیتی کپاس کی ڈرل کاشت کے لئے 2 تا 3 کلو گرام بیج فی ایکڑ زیادہ استعمال کریں۔ کاشتکارضرورت سے 10 فیصد زیادہ بیج کا انتظام کریں تا کہ ناغے وغیرہ لگانے کے لئے استعمال ہو سکے۔ اگیتی کپاس کی کاشت کیلئے بیج کے 60 فیصد اُگاؤ کی صورت میں 5 تا 6 کلوگرام بیج استعمال کریں اور 75 فیصد یا زیادہ اُ گاؤ کے لئے 4 تا 5 کلوگرام بیج فی ایکڑ استعمال کریں۔کپاس کی اگیتی کاشت سے اوسطاً50 سے60 من فی ایکڑ پیداوار حاصل ہوتی ہے۔

Facebook Twitter Google + Share on Whatsapp

سیالکوٹ، محکمہ زراعت کی جانب سے اگیتی کپاس کی کاشت کے لئے سفارشات جاری

متعلقہ عنوان :

مزید زراعت کی خبریں