فیصل آباد،کاشتکاروں کو بہاریہ فصلوں پر سفید مکھی کا حملہ روکنے کے لئے بر وقت سپرے کی ہدایت

منگل 3 مارچ 2026 15:50

فیصل آباد (اُردو پوائنٹ اخبارتازہ ترین - اے پی پی۔ 03 مارچ2026ء) محکمہ زراعت نے کاشتکاروں کو بہاریہ فصلوں پر سفید مکھی کا حملہ روکنے کے لئے بر وقت سپرے کی ہدایت کی ہے۔

(جاری ہے)

اسسٹنٹ ڈائریکٹر محکمہ زراعت عامر صدیق نے بتایا ہے کہ سفید مکھی کپاس کا انتہائی نقصان دہ کیڑا ہے جو سارا سال متحرک رہتا ہے اور اس کی سال میں 10سے 12نسلیں ہوتی ہیں جو کپا س کے علاوہ میزبان پودوں مکئی، جوار، تمباکو، سورج مکھی، لوسرن، برسیم،سبزیوں گوبھی، مولی، شکر قندی، بینگن، بھنڈی توری، پھلوں لیچی، ترشاوہ پھلوں، انار، بیر، امرود، شہتوت وغیرہ پر پرورش پاتی ہیں۔

انہوں نے کہا کہ بہاریہ فصلوں اور سبزیوں کی باقیات کو برداشت کے بعد فوری تلف کر دیا جائے تاکہ سفید مکھی پروان نہ چڑھ سکے۔ انہوں نے کہا کہ اس ضمن میں مزیدرہنمائی و معلومات محکمہ زراعت کی ہیلپ لائن سے بھی حاصل کی جاسکتی ہیں۔