محکمہ زراعت کی سورج مکھی کی بروقت آبپاشی کی ہدایت

جمعرات 2 اپریل 2026 13:32

فیصل آباد (اُردو پوائنٹ اخبارتازہ ترین - اے پی پی۔ 02 اپریل2026ء) محکمہ زراعت نے سورج مکھی کی بہتر پیداوار کے حصول کیلئے کاشتکاروں کو بروقت آبپاشی کی ہدایت کی ہے اور کہا ہے کہ سورج مکھی کی بہاریہ فصل کو عام طور پر 5 آبپاشیوں کی ضرورت ہوتی ہے اس لیے دوسرا پانی پہلے پانی کے تقریباً 20 دن بعد، تیسرا پانی پھول نکلتے وقت، چوتھا پانی بیج بننے کے عمل کے دوران اور آخری پانی بیجوں کی دودھیا حالت یا بیجوں کی بڑھوتری کے دوران لگانا چاہیے۔

ڈپٹی ڈائریکٹر محکمہ زراعت توسیع عدیل احمدنے بتایا کہ سورج مکھی کی فصل کو اس کی کل ضرورت کا 20 سے 25 فیصد پانی فصل اگنے سے لیکر ایک ماہ کے دوران لگاناضروری ہے کیونکہ اگر فصل کو سوکا لگ جائے تو بیج کی پیداوار میں 40 فیصد سے زیادہ کمی ہوجاتی ہے جس کی وجہ سے ایک طرف تو عمل زیرگی متاثر ہوتا ہے جس سے پھول کے مرکز میں بیج نہیں بنتے اورجو بیج بنتے ہیں ان کی جسامت بہت چھوٹی اور وہ بیج اندر سے خالی رہ جاتے ہیں۔

(جاری ہے)

انہوں نے کہا کہ اگررواں ماہ اپر یل میں موسم گرم ہو جائے تو فصل کو پانی دینے کا دورانیہ کم مگر پانی زیادہ مرتبہ لگانا چاہیے کیونکہ شدید موسم میں آبپاشی کی ضرورت بڑھ جاتی ہے جبکہ بروقت آبپاشی کرنے سے بیج صحتمند اور زیادہ بنتا ہے جس سے پیداوارمیں اضافہ ہوتا ہے نیز اگر زیادہ گرمی ہو تو بہاریہ سورج مکھی کو پھول نکلتے وقت پانی کا وقفہ کم کر دیناچاہیے ورنہ عمل زیرگی متاثرہونے کی وجہ سے پھول کا کچھ حصہ بیج بننے سے محروم رہ جاتا ہے۔انہوں نے کہا کہ کاشتکار اس سلسلہ میں مزید معلومات و رہنمائی کیلئے محکمہ زراعت کے فیلڈ سٹاف کی خدمات سے استفادہ کر سکتے ہیں۔

Facebook Twitter Google + Share on Whatsapp

محکمہ زراعت کی سورج مکھی کی بروقت آبپاشی کی ہدایت

متعلقہ عنوان :

مزید زراعت کی خبریں