سیکرٹری لائیو سٹاک کا نجی شعبے کے ساتھ آن لائن اجلاس کا انعقاد

ہفتہ 4 اپریل 2026 17:33

لاہور (اُردو پوائنٹ اخبارتازہ ترین - اے پی پی۔ 04 اپریل2026ء) سیکرٹری لائیو سٹاک احمد عزیز تارڑ نے نجی شعبے کے نمائندگان کے ساتھ ایک اہم آن لائن اجلاس منعقد کیا۔ اجلاس میں ڈیری اور زرعی سرگرمیوں میں جدید مشینری کے استعمال کو فروغ دینے پر تفصیلی غور کیا گیا۔یہ پائلٹ منصوبہ جدید، منافع بخش ڈیری فارمنگ کو فروغ دینے اور اعلی معیار کے بھینس کے دودھ سے تیار کردہ مصنوعات جیسے مکھن، پنیر اور گھی کی ویلیو ایڈیشن کے ذریعے آمدن میں اضافے کا باعث بنے گا۔

(جاری ہے)

اجلاس میں ایڈیشنل سیکرٹری لائیو سٹاک ڈاکٹر عثمان طاہر اور ڈائریکٹر جنرل ڈاکٹر نعیم کنور نے بھی شرکت کی۔ اس موقع پر سرکاری لائیو سٹاک فارمز میں کارکردگی بڑھانے اور کسانوں کے لیے بہترین عملی مثال قائم کرنے کے لیے جدیدسسٹمز کے نفاذ پر بھی غور کیا گیا۔ سیکرٹری لائیو سٹاک نے پنجاب کے لائیو سٹاک شعبے کی پیداواراور منافع میں اضافے کے لیے پبلک پرائیویٹ اشتراک کی اہمیت پر زور دیا، جو ڈیری فارمنگ کی جدید کاری اور ویلیو ایڈیشن کے نئے مواقع تلاش کرنے کی جانب ایک اہم پیش رفت ہے۔