وزیر قانون رانا محمد اقبال خان کا سابق گورنر پنجاب ذوالفقار کھوسہ کے انتقال پر گہرے دکھ اور افسوس کا اظہار

جمعہ 10 اپریل 2026 17:31

لاہور(اُردو پوائنٹ اخبارتازہ ترین - این این آئی۔ 10 اپریل2026ء) صوبائی وزیر قانون رانا محمد اقبال خان نے سابق گورنر پنجاب و سینئر سیاستدان ذوالفقار کھوسہ کے انتقال پر گہرے دکھ اور افسوس کا اظہار کرتے ہوئے اپنے جاری کردہ ایک بیان میں کہا کہ دکھ کی اس گھڑی میں سوگوار خاندان کے غم میں برابر کے شریک ہیں۔

(جاری ہے)

اللہ تعالیٰ مرحوم کو جوارِ رحمت میں جگہ دے اور لواحقین کو صبر جمیل عطا فرمائے۔ رانا اقبال نے کہا کہ مرحوم ذوالفقار کھوسہ ایک منجھے ہوئے اور تجربہ کار سیاستدان تھے جبکہ ذوالفقار کھوسہ سے دیرینہ رفاقت رہی۔رانا اقبال نے کہا کہ ان کی سیاسی بصیرت قابلِ قدر تھی اور مرحوم نے سیاست میں طویل عرصہ عوامی خدمت کے لیے وقف کیا اور آج انکی وفات سے سیاست کا ایک اہم باب بند ہوگیا۔