سیالکوٹ، وزیر اعلیٰ پنجاب کسان کارڈ کے تیسرے مرحلے کے بل کی ادائیگی کا عمل جاری ہے، ترجمان محکمہ زراعت

بدھ 6 مئی 2026 23:09

سیالکوٹ (اُردو پوائنٹ اخبارتازہ ترین - اے پی پی۔ 06 مئی2026ء) وزیر اعلیٰ پنجاب کسان کارڈ کے تیسرے مرحلے کے بل کی ادائیگی کا عمل جاری ہے۔ ترجمان محکمہ زراعت سیالکوٹ کے مطابق کاشتکار اپنے ذمہ واجب الادا کسان کارڈ کے بل کی 10مئی 2026 تک ادائیگی یقینی بنائیں اور بذریعہ قرعہ اندازی بیش قیمت انعامات جیتنے کا موقع پائیں۔

(جاری ہے)

کسان کارڈ کے بل کی ادائیگی کے بعد 24 گھنٹے کے اندر کاشتکار کو اگلے بلا سود زرعی قرضہ کی رقم اُن کے کسان کارڈ میں کریڈٹ کر دی جاتی ہے۔ قبل ازیں25 اپریل2026 تک کسان کارڈ کی ادائیگی کرنے والے کاشتکاروں کو بذریعہ قرعہ اندازی ٹریکٹر سمیت دیگر انعامات دئیے جا چکے ہیں۔