ملتان،مشتبہ ایچ آئی وی مریض کا عام مریضوں کیساتھ آپریشن کیے جانے کا انکشاف

دو روز تک ڈیوٹی دینے والے 10 سے زائد ڈاکٹرز اور پیرا میڈیکل اسٹاف کے بھی ایچ آئی وی ٹیسٹ کروائے گئے ہیں،ایم ایس ہسپتال

جمعہ 22 مئی 2026 20:55

ملتان (اُردو پوائنٹ اخبارتازہ ترین - این این آئی۔ 22 مئی2026ء) ملتان کے نشتر ہسپتال میں ایچ آئی وی کے مشتبہ مریض کا عام مریضوں کے ساتھ آپریشن کیے جانے کا انکشاف ہوا ہے جس کے بعد شعبہ سرجری کا آپریشن تھیٹر سیل کر دیا گیا ہے۔ایم ایس نشتر ہسپتال ڈاکٹر را امجد نے بتایاکہ مشتبہ مریض کی رپورٹ مثبت آنے پر ایک دن بعد آپریشن تھیٹر سیل کردیا گیا۔

(جاری ہے)

ایم ایس نشتر ہسپتال کے مطابق منگل کے روز اسی تھیٹر میں مجموعی طور پر 7 آپریشنز کیے گئے تھے۔ ڈاکٹر را امجد نے کہاکہ قواعد کے مطابق ہر مریض کا آپریشن سے پہلے ایڈز ٹیسٹ لازمی قرار دیا گیا ہے تاہم مشتبہ مریض کی رپورٹ آنے سے قبل ہی اس کا آپریشن کردیا گیا، اگلے روز رپورٹ مثبت آگئی۔ انہوں نے بتایا کے دو روز تک ڈیوٹی دینے والے 10 سے زائد ڈاکٹڑز اور پیرا میڈیکل اسٹاف کے بھی ایچ آئی وی ٹیسٹ کروائے گئے ہیں، جب کہ واقعہ کی تحقیقات کے لیے ایڈیشنل ایم ایس ڈاکٹر لبنی کی سربراہی میں انکوائری کمیٹی بنادی گئی ہے۔